قىركۇيەك-جەلتوقسان ايلارىندا جەتىسۋ وبلىسىندا ۆيرۋستىق "ا" گەپاتيتىن جۇقتىرعاندار سانى 7 ەسە وسكەن.
ەگەر وتكەن جىلى ىندەتتىڭ ىلمەگىنە ىلىنگەندەر نەبارى 4 ادام بولسا، بيىل 29-عا جەتىپ وتىر. ونىڭ 27ء-سىنىڭ دياگنوزى زەرتحانالىق سىنامالارمەن راستالعان.
ولاردىڭ اراسىندا 14 جاسقا دەيىنگى بالا سانى – 6-اۋ. ناۋقاستاردىڭ 28 پايىزىندا گەپاتيت ادامنان ادامعا جۇقسا، 72 پايىزىندا ماۋسىمدىق سىرقات دەپ بەلگىلەنگەن، دەپ حابارلايدى اlmaty-akshamy.kz qazaqstan.tv-گە سىلتەمە جاساپ.
ءقازىر ولارمەن قارىم-قاتىناستا بولعان ازاماتتار مەديسينالىق باقىلاۋعا الىنىپ، يممۋنداۋ جۇمىستارى جوسپارعا ساي جۇرگىزىلىپ جاتىر.
"بۇل جۇقپا ۆاكسيناسى بار. بۇل ۆاكسينانى ەنگىزىلگەلى بەرى، مىسالعا ءبىزدىڭ وبلىستا 2011 جىلدىڭ قاراشا ايىنان باستاپ ەنگىزىلگەن. سول جىلدارداعى سىرقاتتانۋشىلىقپەن سالىستىرساق، قازىرگى سىرقاتتانۋشىلىق 7 ەسە تومەندەدى."ينديرا كۇنباسوۆا، جەتىسۋ وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى