الماتى وبلىسى گۇلدالا اۋىلىنداعى جەكە ۇيلەردىڭ بىرىندە بولعان گاز جارىلىسىنان زارداپ شەككەن تاعى ءبىر ادام قازا تاپتى، دەپ حابارلايدى اlmaty-akshamy.kz.
«اۋىر جاراقات سالدارىنان كەشە 1991 جىلى تۋعان ناۋقاس اۋرۋحانادا قايتىس بولعان ەدى، ال 2003 جىلى تۋعان قىز بۇگىن تۇندە ەسىن جيماستان جان تاپسىردى، دەنەسىن 3-4 دارەجەلى كۇيىك شالعان»، - دەپ حابارلادى اۋرۋحانانىڭ باسپا ءسوز قىزمەتى.
ەسكە سالايىق، 17 جەلتوقسان كۇنى ساعات 06:15-تە گۇلدالا اۋىلى بايتۇرسىنوۆ كوشەسى، 67 جانە ساعات 08:20-دا ءسۇيىنباي كوشەسى، 34 مەكەنجايىنداعى جەكە تۇرعىن ۇيلەردە گاز-اۋا قوسپاسىنىڭ ورشۋىنەن گاز جارىلعان ەدى. جارىلىس سالدارىنان 4 ادام زارداپ شەگىپ، اۋرۋحاناعا جاتقىزىلعان بولاتىن.
زارداپ شەككەن ەكى ادام الماتى كوپسالالى كلينيكالىق اۋرۋحاناسىنا وتە اۋىر جاعدايدا جەتكىزىلدى. ولاردىڭ ءبىرى كەشە قايتىس بولدى.
جارىلىستىڭ الدىن الا سەبەبى تابيعي گاز قۇبىرىنداعى قىسىمنىڭ جوعارىلاۋىنان دەگەن بولجام بار.