ولار جامبىل وبلىسى ارقىلى شەكارادان ءوتىپ، قازاقستانعا كەلگەن
باتىس قازاقستان وبلىسىندا اۋعانستاننىڭ 9 ازاماتى قازاقستان-رەسەي شەكاراسىن زاڭسىز كەسىپ وتكەن، دەپ حابارلايدى Almaty-akshamy.kz «ادىرنا» پورتالىنا سىلتەمە جاساپ.
باسىلىم كەلتىرگەن دەرەككە سۇيەنسەك، ۇستىمىزدەگى جىلدىڭ قازان ايىندا 9 اۋعانستان ازاماتى جامبىل وبلىسى ارقىلى شەكارادان ءوتىپ، قازاقستانعا كەلگەن. ولار بۇكىل رەسپۋبليكانى ارالاپ شىعىپ، باتىس قازاقستان وبلىسى، بايتەرەك اۋدانى، دارينسكوە اۋىلىنىڭ ماڭىندا شەكارانى زاڭسىز كەسىپ وتكەن.
الدىن الا مالىمەت بويىنشا، اۋعاندىقتاردى رەسەيلىك قاۋىپسىزدىك كۇشتەرى ۇستاعان.
ق ر ۇقك اۋعانستان ازاماتتارىنىڭ شەكارانى زاڭسىز كەسىپ وتكەنى تۋرالى اقپاراتتى راستادى. ۆەدومستۆونىڭ حابارلاۋىنشا، بۇل فاكتى 2021 جىلدىڭ 10 قازانىندا ۇقك باتىس قازاقستان وبلىسى بويىنشا دەپارتامەنتىنىڭ تەرگەۋ باسقارماسىندا تىركەلگەن.
ق ر قىلمىستىق كودەكسىنىڭ 394-بابىنىڭ 2-بولىگى «زاڭسىز كوشى-قوندى ۇيىمداستىرۋ» بويىنشا سوتقا دەيىنگى تەرگەۋ امالدارى جۇرگىزىلۋدە.