ەلىمىزدەگى قۇس فابريكالارى باعا بەلگىلەۋدە ءوزارا ءسوز بايلاسقان دەگەن كۇدىككە ءىلىندى

قابىلدانعان شارالاردىڭ ناتيجەسىندە ءبىرقاتار ازىقتىڭ باعاسى تومەندەدى

اسقار مامين ۇكىمەتتىڭ سيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-تۇلىك تاۋارلارىنىڭ (ءامات) باعالارىن رەتتەۋ ماسەلەلەرى بويىنشا كەڭەس وتكىزدى، دەپ حابارلايدى Almaty-akshamy.kz.

وتكەن اپتادا قازاقستاندا الەۋمەتتىك ماڭىزى بار ازىق-تۇلىك تاۋارلارى باعاسىنىڭ جالپى ءوسۋ يندەكسى 0،0% قۇرادى، دەپ حابارلايدى پرەمەر-مينيستردىڭ باسپا ءسوز قىزمەتى.

قابىلدانعان شارالار ەسەبىنەن ەكىنشى اپتا قاتارىنان كارتوپ (-0،4%)، پياز (-1،3%) جانە ءسابىز (-2%) باعاسىنىڭ تومەندەۋى بايقالادى. ءبىر اپتا ىشىندە قىرىققابات باعاسىنىڭ ءوسۋ قارقىنى 0،1%-عا دەيىن تومەندەدى.

وتكەن اپتادا باسەكەلەستىكتى قورعاۋ جانە دامىتۋ اگەنتتىگى باعا بەلگىلەۋ بويىنشا باسەكەلەستىككە قارسى ءسوز بايلاسقان ىس-ارەكەتتەر بەلگىلەرى بويىنشا اقمولا، پاۆلودار، سولتۇستىك قازاقستان جانە قاراعاندى وبلىستارىندا تاۋىق جۇمىرتقاسىن وتكىزۋدى جۇزەگە اسىراتىن 7 قۇس فابريكاسىنا قاتىستى تەرگەۋدى باستادى.

تاۋىق جۇمىرتقاسى، قۇس ەتى جانە قانت نارىعى سۋبەكتىلەرىنە باعالىق ءسوز بايلاسۋ بەلگىلەرىنىڭ بولۋىنا جانە ءتۇرلى باعالاردى قولدانۋىنا قاتىستى 12 حابارلاما جىبەرىلدى.

پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ جانە تومەندەتۋ، سونداي-اق ينفلياسيانىڭ جالپى دەڭگەيىن 8،5% شەگىندە ۇستاپ تۇرۋ بويىنشا جۇمىستى جالعاستىرۋدى تاپسىردى.