قازاقستاندا قارىز الۋشىلاردىڭ قۇقىقتارىن قورعاۋ ءۇشىن ميكروكارجىلىق ومبۋدسمەن ينستيتۋتى ىسكە قوسىلادى، دەپ حابارلايدى aqshamnews.kz
ومبۋدسمەننىڭ نەگىزگى مىندەتى – ازاماتتاردىڭ قۇقىقتارىن قورعاۋ جانە ميكروكرەديتتەرگە بايلانىستى داۋلاردى، ونىڭ ىشىندە مەرزىمى وتكەن بەرەشەك ماسەلەلەرى مەن كوللەكتورلىق اگەنتتىكتەرمەن قاقتىعىستاردى سوتقا دەيىن رەتتەۋگە جاردەمدەسۋ.
ومبۋدسمەنگە تەك ميكروكارجىلىق ۇيىمداردىڭ (مقۇ) كليەنتى بولىپ تابىلاتىن جەكە تۇلعالار عانا جۇگىنە الادى. قىزمەتتەر تەگىن كورسەتىلەدى.
ومبۋدسمەن تاۋەلسىز اربيتر رەتىندە ارەكەت ەتىپ، داۋلاردى سوتقا جۇگىنبەي شەشۋگە كومەكتەسەدى. ومبۋدسمەننىڭ شەشىمدەرى قارىز الۋشى ولاردى قابىلداعان جاعدايدا مقۇ ءۇشىن مىندەتتى بولادى جانە 30 كۇن ىشىندە ورىندالۋى ءتيىس.