جالپى، بۇل تەك قازاقستاندا عانا ەمەس، وزگە دە ەلدەردە بولىپ جاتقان جاعداي.
قازاقستاندا شامامەن 800 ادام كوروناۆيرۋستى قايتا جۇقتىرىپ الدى. بۇل تۋرالى ق ر دەنساۋلىق ساقتاۋ ءمينيسترى ءمالىم ەتتى، دەپ حابارلايدى Almaty-akshamy.kz.
"ەگەر ادام ءبىر رەت اۋىرسا، قايتادان اۋىرمايدى" دەگەن تۇسىنىك مۇلدەم قاتە. مۇنى ءتۇسىنۋىمىز قاجەت. قازاقستاندا قازىرگى ۋاقىتتا شامامەن 800 ادام كوروناۆيرۋسپەن قايتادان اۋىرىپ قالعان. ولار ۆاكسينا الماعان بولاتىن. جالپى، بۇل تەك قازاقستاندا عانا ەمەس وزگە دە ەلدەرگە ءتان ءۇردىس. ەۋروپادا جانە وزگە دە ەلدەردە مىڭداعان ادام قايتادان اۋىرىپ جاتىر"، - دەدى مينيستر ورتالىق كوممۋنيكاسيالار قىزمەتىندەگى باسپا ءسوز ءماسليحاتى بارىسىندا. ونىڭ ايتۋىنشا، ءوزىڭدى جانە جانىڭداعى ادامداردى قورعاۋ ءۇشىن ۆاكسينا العان دۇرىس. اسىرەسە، ءبىرىنشى كەزەكتە 60 جاستان اسقان جانە سوزىلمالى اۋرۋلارى بار ازاماتتار ەكپە العانى ءجون. «ءبىز بارلىق ازاماتتارعا ەكپەنى بەلسەندى تۇردە الۋعا كەڭەس بەرەمىز. ينفراقۇرىلىمدىق تۇرعىدا العاندا قازاقستاننىڭ ءاربىر وڭىرىندە، ءتىپتى ساۋدا ورتالىقتارىندا ەكپە پۋنكتتەرى اشىلعان. وزدەرىڭىز دە دۇربەلەڭ جوق ەكەنىن كورىپ وتىرسىز. ەلىمىزدىڭ بارلىق ازاماتى تەگىن ۆاكسينانىڭ تيەسىلى دوزانى ەمىن-ەركىن سالدىرا الادى»، - دەدى الەكسەي سوي.