الماتىدا جاڭا كرەاتيۆتى كەڭىستىك اشىلدى

QAYNAR BULAQ الاڭىنىڭ نەگىزگى جۇمىس باعىتتارى قالانىڭ بارلىق تۇرعىندارىن قىزىقتىراتىن تاقىرىپتارداعى ءىس-شارالار بولادى

قالا اكىمى باقىتجان ساعىنتايەۆ قالالىق «QAYNAR BULAQ» الاڭىنىڭ اشىلۋىنا قاتىستى. «قاينار نۇكتەسىنە» اينالاتىن بۇل الاڭ ءتۇرلى سالا وكىلدەرىن بىرىكتىرەتىن بولادى، دەپ حابارلادى Almaty-akshamy.kz.

كوممۋنيكاتيۆتى كەڭىستىك AlmaU بازاسىندا قۇرىلدى جانە قازاقستان ءۇشىن پيلوتتىق بولىپ تابىلادى. ول رەسەيدىڭ ءارتۇرلى قالالارىندا 110-نان استام ۇقساس كەڭىستىكتەن تۇراتىن «قاينار نۇكتەسى» جەلىسىنە قوسىلادى.

قاينار نۇكتەسى بولىپ تابىلاتىن QAYNAR BULAQ نەگىزگى جۇمىس باعىتتارى قالانىڭ بارلىق تۇرعىندارىن قىزىقتىراتىن تاقىرىپتارداعى ءىس-شارالار بولادى، ولار: ءبىلىم، تۋريزم جانە قالالاردى دامىتۋ، بيزنەستى دامىتۋدىڭ پەرسپەكتيۆالىق باعىتتارى، جاڭا تەحنولوگيالار – ۇلكەن دەرەكتەر جانە جاساندى ينتەللەكت.

الماتى اكىمى باقىتجان ساعىنتايەۆ بۇل جوبانىڭ مەگاپوليس ءۇشىن وزەكتىلىگى مەن ماڭىزدىلىعىن اتاپ ءوتتى، ونىڭ ستراتەگيالىق باعىتتارىنىڭ ءبىرى – شىعارماشىلىق يندۋستريالار مەن اT-نى دامىتۋ. ءتۇرلى قاۋىمداستىقتار مەن مەملەكەتتىك ورگاندار وكىلدەرىنىڭ بەلسەندى قاتىسۋى قالانىڭ تەحنولوگيالىق، الەۋمەتتىك-ەكونوميكالىق جانە ءبىلىم بەرۋ جونىندەگى مىندەتتەرىن ورىنداۋدىڭ شەشىمدەرىن تابۋعا مۇمكىندىك بەرەدى.