دوستار، ەستەرىڭىزدە بولسا، تۇركيا ساپارىمدا قازاق ءتىلىن ۇيرەنىپ جاتقان قانداس بالالارعا “35 دومبىرا سىيلاۋعا ۋادە ەتكەن ەدىم”. ناتيجەسىندە دومبىرا سانى 80-گە جەتتى، دەپ جازدى ماقپال جۇماباي ءوزىنىڭ الەۋمەتتىك پاراقشاسىندا.
بۇل يگى ءىستى ÖzgeEpic ونەر كەڭىستىگىنىڭ اتىنان باستاپ، دوستارىم ءۇن قوسىپ، تانىمال شەبەر ەلجاسقا تاپسىرىس بەرگەن بولاتىنمىن. وتە ساپالى اسپاپ جاساتىپ بەرەم دەگەن ءسوزىمدى ورىندادىم. ەلدەگى ايتۋلى شەبەرمەن جۇمىس ىستەدىك.
مۇنداعى ءار دومبىرادا دوستارىم مەن ارىپتەستەرىمنىڭ دە ۇلەسى بار. سول ءۇشىن دە راحمەت ايتقىم كەلەدى.دومبىرا سىيلاۋ وقيعامىز مۇنىمەن شەكتەلگەن جوق، باستاماما ىستامبۇلداعى باس كونسۋل نۇريددين مىرزا قولداۋ بىلدىرگىسى كەلەتىنىن جەتكىزدى. باس كونسۋلدىڭ سەبەپكەر بولۋىمەن دەمەۋشىلەر تابىلىپ، دومبىرا سانى 80-گە جەتتى.دومبىرالارعا بەلگىمىزدى سوعىپ، ارنايى قوراپ جاساتىپ، وراپ، ىستامبۇلعا جىبەردىك. اسپاپتارىمىزدىڭ امان جەتكەنى تۋرالى اقپارات الدىق.
جاقىن كۇندەرى بۇدان دا كۇشتى جاڭالىق بولادى. ول جاڭالىقتى باس كونسۋل جانە باسقا دا سەرىكتەستەر ىستامبۇلدا جاريالايمىز، دەپ جازدى ماقپال.
