8 ناۋرىز قارساڭىندا التىنعا سۇرانىس ارتتى

8 ناۋرىز قارساڭىندا التىنعا سۇرانىس ارتتى Cۋرەت: Aikyn.kz

الماتى قالاسىندا ەر ادامدار ايەلدەر مەرەكەسىنە ارناپ قىزعالداق، راۋشان جانە باقىت گۇلىن كوپتەپ الادى


ناۋقان كەزىندە ولاردىڭ باعاسى 800-900 تەڭگەدەن باستالادى. كاسىپكەرلەر گۇل ساۋداسىنىڭ 9 ناۋرىزعا دەيىن توقتامايتىنىن ايتادى. ودان كەيىن ادامدار لەگى ازايىپ، باعا دا تومەندەيدى،  دەپ حابارلايدى Almaty-akshamy.kz 31 ارنانىڭ «ينفورمبيۋرو» باعدارلاماسىنا سىلتەمە جاساپ.



«كوپتەگەن ۇيىم الدىن الا تاپسىرىس بەرەدى. كەيدە كەشكە دەيىن تاپسىرىس بەرىپ جاتادى. شىنى كەرەك، 3 رەت باردىم. ەندى كەشكى ۋاقىتقا ارناپ تاعى دا گۇلدەر اكەلۋگە تۋرا كەلەدى. ارتىعىمەن الىپ جاتىرمىز. سونىڭ وزىندە ءقازىر كوپتەگەن ۇسىنىس ءتۇسىپ جاتىر»، – دەدى كاسىپكەر جاسۇلان دۇيسەكەنوۆ.



ال تارازدا ەر ازاماتتار كوبىنە 8 ناۋرىز مەرەكەسىنە ارناپ سۇيىكتىلەرىنە ءارتۇرلى كولەمدەگى تابا پەن تاباق الىپ جاتىر. مەنەدجەرلەردىڭ ايتۋىنشا، ءدال ءقازىر ىدىس-اياقتارعا دەگەن سۇرانىس ارتقان. ونى كوبىنە ورتا جاستاعى ازاماتتار الىپ جاتىر. سونداي-اق، ورتا جاستاعى ەر ازاماتتار گاز پەشى، توڭازىتقىش سەكىلدى تۇرمىستىق تەحنيكالاردى تاڭداۋدا. ال جاستار نەگىزىنەن سمارتفون تاڭداۋدا.



«جاستار مەن ۇلكەن كىسىلەر انالارى مەن جۇپتارىنا ارناپ الىپ جاتىر. نەگىزىنەن «ايفون»، «سامسۋنگ» جانە قۇلاققاپتار تاڭدايدى»، – دەدى ساتۋشى جانىبەك جۇنىسبەكوۆ.



مۇنىمەن قاتار، ەر ادامداردىڭ سۇيىكتىلەرىنە التىن سىيلاعاندى ۇناتاتىنى بەلگىلى بولدى. سول سەبەپتى 8 ناۋرىز قارساڭىندا التىن بۇيىمدارعا سۇرانىس ارتقان.



«ايەلدەر گاۋھار تاسىن جاقسى كورەدى. ال ەرلەر ءوز كەزەگىندە سۇيىكتىلەرىنىڭ كوڭىلىنەن شىققىسى كەلەدى. ولاردىڭ باعاسى 200 مىڭنان باستالىپ 1 ميلليون تەڭگەگە دەيىن بارادى. كەيبىر ەر ازاماتتار ارىپتەستەرىنە سەرتيفيكات سىيلايدى»، – دەدى ساتۋشى ەلەنا.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:14

16:38

16:31

16:13

16:06

15:57

15:47

15:41

15:17

15:15

15:08

14:52

14:32

14:27

14:20

12:44

12:21

12:19

12:13

12:08

11:58

11:55

11:30

11:05

10:54