اقتاۋلىق ايەل بالاسىمەن بىرگە ۋكراينادان شىعا الماي وتىر

سەبەبى ءتورت جاسار بالاسىنىڭ تۋۋ تۋرالى كۋالىگى جوق

اقتاۋلىق ايەل بالاسىمەن قۇجاتتارى بولماعان سوڭ كييەۆتەن شىعا الماي وتىر. سەبەبى ۋكراينالىق تاراپ ءۇش جىل بويى بالانىڭ تۋۋ تۋرالى كۋالىگىن بەرۋدەن باس تارتقان. قازاقستاننىڭ ۋكرايناداعى ەلشىلىگى جاعدايعا قاتىستى پىكىر ءبىلدىردى، دەپ حابارلايدى  Almaty-akshamy.kz Azattyq Rýhy  پورتالىنا سىلتەمە جاساپ. 

Lada.kz پورتالىنىڭ مالىمەتىنشە، كييەۆتە بالاسىمەن تۇرىپ جاتقان ايەلدىڭ اناسى تاتيانا جەجەلدىڭ ايتۋىنشا، قىزى اقتاۋعا شىعا المايدى. سەبەبى ءتورت جاسار بالاسىنىڭ تۋۋ تۋرالى كۋالىگى جوق، تەك پەرزەنتحانادان انىقتاما بار.

«ۋكراينا تاراپى بالا دۇنيەگە كەلگەن ساتتەن باستاپ تۋۋ تۋرالى كۋالىك بەرۋدەن باس تارتتى، ويتكەنى بالانىڭ اكەسىمەن نەكە تىركەلمەگەن. ءبىزدىڭ كونسۋلدىق بالانىڭ تۋعان جەرى بويىنشا احاج-عا بارسىن دەدى، ال ولار كونسۋلدىققا جىبەرىلەدى. ءۇش جىل بولدى. پاندەميا كەزىندە قىزىمنىڭ قازاقستاندىق شەتەلدىك ءتولقۇجاتىنىڭ قولدانۋ مەرزىمى اياقتالدى، كونسۋلدىق ونى ۇزارتپايدى. قىزىما بالاسىن تاستاپ، قازاقستانعا بارىپ، جاڭا ءتولقۇجات الىپ، قايتۋدى ۇسىندى. قانداي انا بالاسىن تاستاپ كەتەدى؟ ءقازىر اسكەري ءىس-قيمىلدار بولىپ جاتسا دا، وعان كومەكتەسۋدەن باس تارتىلدى»، - دەدى ايەل.

تاتيانانىڭ قىزى ولگا راگوزينانىڭ ايتۋىنشا، ول بىرنەشە رەت كونسۋلدىقتان كومەك سۇراعان، الايدا ولار ماسەلەنى شەشە المايتىنىن ايتقان.
قازاقستاننىڭ ۋكرايناداعى ەلشىلىگى بىلتىر 21 قاراشادا ولگا كييەۆتىڭ ورتالىق احاج ارقىلى تۋۋ تۋرالى كۋالىكتى راسىمدەۋگە نەمەسە قازاقستاندا ءتولقۇجاتىن جاڭارتۋعا مۇمكىندىك العانىن حابارلادى. بۇل ەكى ۇسىنىستى دا ەلەمەگەنىن ايتتى. 

«ءبىز كۋالىكتى ءوز بەتىمىزشە راسىمدەي المادىق. ءتىپتى ادىلەت مينيسترلىگىمەن كەڭەستىك، ويتكەنى ونىڭ ءتولقۇجاتىنىڭ مەرزىمى وتكەن، نەكەدە دە جوق»، - دەدى ەلشىلىك وكىلدەرى.