جاس تەڭىزشىگە تۋدى كوتەرىپ، كارتانى زەرتتەۋ تاپسىرىلعان
ماڭعىستاۋ وبلىسىنىڭ تەڭىز شەكارا قىزمەتىنە 8 جاستاعى بالا قابىلداندى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
تەلەارنا مالىمەتىنشە، ۇلان تىلەۋحان شەكارا قىزمەتىندە ءوزىن جاقسى قىرىنان كورسەتىپ ۇلگەرگەن.
«ماعان تەڭىزشىلەر، تەڭىز بەن كەمە ۇنايدى. تەڭىزشىلەرمەن كەمەدە وسىمەن ءۇشىنشى رەت باردىم. تەڭىزشى بولعىسى كەلەتىن دوستارىم بار. ولارعا مەنىڭ كيىمىم ۇنايدى»، - دەيدى ۇلان.
كەمەدە جاس تەڭىزشىگە تۋدى كوتەرىپ، كارتانى زەرتتەپ، باقىلاۋ جۇرگىزىپ، ۋاقىتتى ولشەپ وتىرۋ جۇمىسى تابىستالعان. كەمە تەڭىزشىلەرى مەن كومانديرى ءۇشىن ۇلان كومەكشىگە دە، دوسقا دا، بويتۇمارعا دا اينالعان.
مەكتەپ وقۋشىسىن اتا-اناسى دا قولداپ وتىر. بولاشاقتا ول شەكارا قىزمەتىندە جۇمىس ىستەگىسى كەلەدى. ۇلان ولار تەڭىزدى قورعاپ قانا قويماي، براكونەرلەردى ۇستايدى، ال بۇل كاسپييدەگى جانۋارلار دۇنيەسىن قامقورلىققا الۋ دەگەن ءسوز ەكەنىن ايتادى.