بوسقىندار اراسىندا اۋعان ءتىلماشتارى مەن كەڭەسشىلەرى بار
بريتانيالىق اسكەريلەر اۋعانستانمەن شەكارالاساتىن ەلدەردەن شىعا الماي قالعان 102 بوسقىندى ءقاۋىپسىز جەرگە كوشىردى، دەپ حابارلايدى Almaty-akshamy.kz Tass.ru اگەنتىگىنە سىلتەمە جاساپ.
ۇلىبريتانيا قورعانىس ءمينيسترى سەنبى كۇنى تاراتقان مالىمەتتە بوسقىندار بىرىككەن كورولدىككە ەكى اسكەري ۇشاقپەن جەتكىزىلگەنى ايتىلداى.
ءقاۋىپسىز جەرگە كوشىرىلگەن بوسقىندار اراسىندا – اۋعاندىق ءتىلماشتار مەن كونسۋلتانتتار بار، ولار اۋعانستاندا ناتو ميسسياسىن ىسكە اسىرۋ كەزىندە بريتاندىق اسكەريلەرگە كومەكتەسكەن. سونداي-اق ولاردىڭ وتباسى مەن بۇعان دەيىن بريتانيا ازماتتىعىن الىپ ۇلگەرگەن ادامدار دا بار.
بريتانيا قورعانىس مينيسترلىگى اۋعاندىق بوسقىنداردى ءۇشىنشى ەل ارقىلى شىعارۋ جۇمىسى ءالى بىرنەشە اپتاعا جالعاساتىنىن جەتكىزدى. مينيسترلىك بوسقىنداردى ناقتى قاي ەل ارقىلى شىعاراتىنىن كورسەتپەدى، تەك ولار ۇلىبريتانيانىڭ تىعىز بايلانىستاعى حالىقارالىق سەرىكتەسى ەكەنى ايتىلعان.
«تامىز ايىندا ءبىز كابۋلدان 15 مىڭعا جۋىق ءقاۋىپ تونگەن بريتان ازاماتى مەن اۋعاندىقتى شىعارۋ ءۇشىن تىنىمسىز ەڭبەك ەتتىك. سول كەزدە مەن اۋعاندىقتارعا جاسالاتىن قولداۋ مۇنىمەن اياقتالمايتىنىن مالىمدەگەن ەدىم. ءبىز بيرتاندىق قارۋلى كۇشتەرگە كوپتەگەن جىلدار بويى كومەك كورسەتىپ، قولداپ كەلگەن ادامدار الدىندا پارىزدارمىز. ءقازىر ولاردىڭ ومىرىنە ءقاۋىپ ءتونىپ تۇر. بۇل رەيستەر ءبىزدىڭ كومەگىمىزگە مۇقتاج جانداردى كوشىرۋ مەن قولداۋ بويىنشا ۇزاق مەرزىمدى كۇش-جىگەردىڭ باستالعانىن ءبىلدىردى»،-دەيدى كورولدىكتىڭ قورعانىس ءمينيسترى بەن ۋوللەس.
اۋعانستاننان اقش اسكەرى شىعا سالىسىمەن «تاليبان» قوزعالىسى كۇشتەرى ەلدى باقىلاۋعا الۋ ءۇشىن اۋقىمدى وپەراسيانى باستاپ جىبەرگەنى بەلگىلى. 15 تامىزدا تالىپتەر ەل استاناسى كابۋلدى سوعىسسىز باسىپ الدى. ال، اۋعانستان پرەزيدەنتى اشراف عاني ەلدەن قاشىپ كەتتى. 6 قىركۇيەك كۇنى تالىپتەر ەلدى ءوز باقىلاۋىنا لاعاندارىن مالىمدەدى. 7 قىركۇيەكتە ۋاقىتشا ۇكىمەتتىڭ قۇرامىن تانىستىردى، ولاردىڭ زاڭدى بيلىك ەكەنىن وسى ۋاقىتقا دەيىن ەشبىر ەل مويىندامادى.