اقتوبە وبلىسىندا قارجى مونيتورينگى اگەنتتىگىنىڭ وڭىرلىك دەپارتامەنتى مەن پروكۋراتۋرانىڭ ۇيلەستىرۋىمەن جالعان قۇجاتتار ارقىلى جۇك كولىكتەرىن زاڭسىز تىركەپ كەلگەن ۇيىمداسقان قىلمىستىق توپتىڭ جولى كەسىلدى، - دەپ حابارلايدى اqshamnews.kz ءتىلشىسى.
تەرگەۋ دەرەكتەرىنە سايكەس، توپ مۇشەلەرى قولدان جاسالعان ساتىپ الۋ-ساتۋ شارتتارىن جانە كولىك قۇرالدارىن تەكسەرۋ اكتىلەرىن پايدالانىپ، "اۆتوىزدەۋ" اقپاراتتىق جۇيەسىنە شىندىققا جاناسپايتىن مالىمەتتەر ەنگىزگەن. سونىڭ ناتيجەسىندە 77 جۇك كولىگى باستاپقى تىركەۋدەن زاڭسىز وتكىزىلگەن.
بۇل ارەكەتتەر اقتوبە، اتىراۋ جانە باتىس قازاقستان وبلىستارىنىڭ اۋماعىندا سالىق زاڭناماسىنداعى راسىمدەردى ادەيى اينالىپ ءوتۋ ماقساتىندا جۇزەگە اسقان. تىركەۋ الىمدارىن تولەمەۋ ارقىلى مەملەكەتكە 740 ميلليون تەڭگەدەن استام زالال كەلتىرىلگەن.
ءقازىر قىلمىستىق توپتىڭ ۇيىمداستىرۋشىلارى سوت شەشىمىمەن قاماۋعا الىندى. ءىس بويىنشا سوتالدى تەرگەپ-تەكسەرۋ جالعاسىپ جاتىر.
ق ر قىلمىستىق-پروسەستىك كودەكسىنىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات ازىرگە جاريا ەتىلمەيدى.