“قۇقىقتىق ءتارتىپ” اۋقىمدى ءىس-شاراسى بارىسىندا ەسىرتكى ساتۋشى اۋەزوۆ اۋداندىق پب-عا قاراستى پوليسيا ءبولىمىنىڭ ارىپتەستەرى مەن “بۇركىت” اتتى قىزمەتتىك-ىزدەستىرۋ ءيتىنىڭ كومەگىمەن ەكسترەميزمگە قارسى كۇرەس بولىمشەسىنىڭ قىزمەتكەرلەرى جۇرگىزگەن ارنايى ءىس-شارا ناتيجەسىندە ۇستالدى، دەپ حابارلايدى Almaty-akshamy.kz.
«بۇرىن ەسىرتكى قىلمىسى ءۇشىن سوتتالعان 1978 جىلى تۋعان م.ەسىمدى ازامات ۇستالدى. ونى جەكە ءتىنتۋ كەزىندە قۇرامىندا ەرەكشە ءيىستى وسىمدىك تەكتەس زاتى بار 3 قاعاز بۋما تابىلدى جانە تاركىلەندى. ۇستالعان ازاماتتىڭ تۇرعىلىقتى جەرىنەن وسىعان ۇقساس زات سالىنعان تاعى 29 بۋما مەن 13 پوليەتيلەن بايلامى تابىلدى. سوت-حيميالىق ساراپتاماسىنىڭ قورىتىندىسىنا سايكەس، تاركىلەنگەن ءشوپ جالپى سالماعى 1 كەلى 336 گرامم بولاتىن گاشيش ەسىرتكىسى ەكەنى راستالدى. بۇل دەرەك ق ر قك-نىڭ 297-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، – دەدى اۋەزوۆ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.