اۋەزوۆ اۋدانىنىڭ اكىمى ابزال ەگەمبەردييەۆ الماتى قالاسىنىڭ وكق بريفينگىندە «حالىق قاتىساتىن بيۋدجەت» شەڭبەرىندە جاڭا قوعامدىق ورىنداردىڭ قالاي قۇرىلىپ جاتقانى، اعاشتاردى سانيتارلىق كەسۋ جانە اۋلالاردى جارىقتاندىرۋ تۋرالى ءمالىم ەتتى، دەپ حابارلايدى اlmaty-akshamy.kz.
جۋرناليستەر الدىندا ءسوز سويلەگەن اۋدان اكىمى 7 ماگيسترالدىق كوشەنىڭ جاياۋ جۇرگىنشىلەر كەڭىستىگىن وزگەرتۋ قاراستىرىلعانىن ايتتى. بۇگىنگى تاڭدا وسى جوبالار بويىنشا جسق ازىرلەۋ جۇرگىزىلۋدە.
بۇدان باسقا، 12 جوبا بويىنشا، جاياۋ جۇرگىنشىلەر كەڭىستىگىن اباتتاندىرۋ جانە جايلاستىرۋ كوزدەلگەن. قالعان 3 جوبا - 5 جەر ءۇستى وتكەلىن كۇردەلى جوندەۋ، اۆتوجۋۋ جۇيەسىن جايلاستىرۋ جانە «سايران» شاعىن اۋدانىندا ينكليۋزيۆتى ورتانى جايلاستىرا وتىرىپ، جاياۋ جۇرگىنشىلەر ايماعىن قۇرۋ. ولاردى ىسكە اسىرۋ 2024-2025 جىلدارعا جوسپارلانعان.
سونىمەن قاتار، اعىمداعى جوندەۋ جۇرگىزۋ ءۇشىن بوس جاتقان جەر تەلىمدەرىن انىقتاۋ بويىنشا جۇمىستار جۇرگىزىلۋدە. ساتبايەۆ-ششەپەتكوۆ كوشەسى، ناۆوي كوشەسى، وتەگەن باتىر-وتار كوشەسى سياقتى 3 بوس اۋماقتى اباتتاندىرۋ اياقتالدى.
اۋەزوۆ اۋدانىنىڭ اكىمى ابزال ەگەمبەردييەۆ «حالىق قاتىساتىن بيۋدجەت» باعدارلاماسىنىڭ جۇزەگە اسىرىلۋ بارىسىنا كەڭىرەك توقتالدى. 2023 جىلى قالا تۇرعىنداردىڭ داۋىس بەرۋ قورىتىندىسى بويىنشا 715 ملن.تەڭگە سوماسىنا 16 جوبا ىسكە اسىرىلدى.
شامامەن 2024 جىلعا جالپى سوماسى 2،8 ملرد.تەڭگەگە 60 جوبانى ىسكە اسىرۋ جوسپارلانعان. بۇل باعىتتاعى جۇمىستار كەلەسى جىلى جالعاساتىن بولادى.
اۋداننىڭ جارىقتاندىرىلۋى تۋرالى ايتا كەلە، اكىم بۇگىندە اۋدان 94% - عا جارىقتاندىرىلعانىن اتاپ ءوتتى. الايدا، اۋلا اۋماقتارىندا جارىقتاندىرۋ بويىنشا پروبلەمالىق ماسەلە ءالى دە بار.
بۇگىنگى تاڭدا «الماتى قالا جارىق» جارىقتاندىرۋ مەردىگەرى كۇن سايىن جارىق نۇكتەلەرىن قالپىنا كەلتىرۋ جۇمىستارىن كۇشەيتۋدە 8 اۆاريالىق-قالپىنا كەلتىرۋ بريگاداسىنىڭ كۇشىمەن 30 مەكەن-جايعا دەيىن قامتۋدا.
بۇدان باسقا، جارتىلاي جارىقتاندىرىلماعان 89 اۋماق بويىنشا كوشە جارىعىن سالۋعا جسق ازىرلەۋ ءۇشىن قاراجات ءبولىندى. بۇل جوبانى ىسكە اسىرۋ تۇرعىنداردىڭ جايلىلىعى مەن قاۋىپسىزدىگىن ارتتىرۋعا باعىتتالعان.
سونىمەن قاتار، اۋداندى كوگالداندىرۋ جۇمىستارى جالعاسۋدا. وتەم رەتىندە 20 مىڭ اعاش وتىرعىزىلۋدا، بۇگىنگى تاڭدا 10 مىڭ اعاش وتىرعىزىلدى، قالعان اعاشتاردى وتىرعىزۋ جۇمىستارىن كەلەسى جىلى اياقتاۋ جوسپارلانۋدا.