اۋەزوۆ اۋدانىنىڭ 95 ۇيىندە ليفتىلەر اۋىستىرىلىپ، شاتىر مەن ينجەنەرلىك جەلىلەر جوندەلدى
1960-1970 جىلدارداعى تۇرعىن ءۇي قورىنىڭ قالاي جاڭارتىلىپ جاتقانىن اۋەزوۆ اۋدانىنىڭ اكىمى ابزال ەگەمبەردييەۆ الماتى قالاسىنىڭ وكق بريفينگىندە ايتىپ بەردى، دەپ حابارلايدى almaty-akshamy.kz
بيىل «2023-2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ» تۇجىرىمداماسىن ىسكە اسىرۋ اياسىندا اعىمداعى جىلى قايتارىمدى نەگىزدە 95 ۇيدە جوندەۋ جۇمىستارى جۇرگىزىلدى، ونىڭ ىشىندە: 57 ۇيدە 102 ليفت اۋىستىرىلدى جانە 38 ۇيدە جالپى پايدالانىلاتىن ورىندارعا، ياعني شاتىرعا، ينجەنەرلىك جەلىلەرگە كۇردەلى جوندەۋ جۇرگىزىلدى.
جالپى اۋدان بويىنشا تۇرعىن ءۇي قورىن جاڭعىرتۋ قاجەتتىلىگى كۇن تارتىبىندە قالىپ وتىر، وسىعان بايلانىستى جۇمىستار كەلەسى جىلى دا جالعاساتىن بولادى. 2024 جىلدىڭ ءبىرىنشى توقسانىنا تۇرعىنداردان 7 ۇيدە 10 ءليفتتى اۋىستىرۋعا جانە 20 ۇيدە جالپى پايدالانۋ ورىندارىن كۇردەلى جوندەۋگە وتىنىمدەر بار.
بۇدان باسقا، ازاماتتىق-تۇرعىن ءۇي قۇرىلىسى بويىنشا وبەكتىلەردى ىسكە اسىرۋ جالعاسۋدا. بيىل ەكى كوپقاباتتى تۇرعىن ءۇي كەشەنى ىسكە قوسىلدى، جالپى اۋدانى 78 مىڭ ش. م. اعىمداعى جىلدىڭ سوڭىنا دەيىن تاعى ەكى كوپپاتەرلى تۇرعىن ءۇي كەشەنىن ىسكە قوسۋ جوسپارلانعان، جالپى اۋدانى 83 مىڭ ش. م. كەلەسى جىلى جالپى اۋدانى 143 مىڭ ش. م. ءۇش تۇرعىن ءۇي كەشەنىن ىسكە قوسۋ جوسپارلانۋدا.