2024 جىلى قازاقستاندا جالپىعا بىردەي دەكلاراسيالاۋدىڭ ءۇشىنشى كەزەڭى اياقتالدى. بۇل كەزەڭدە ەلدەگى جانە شەتەلدەگى اكتيۆتەرىن العاش رەت كومپانيا باسشىلارى، قۇرىلتايشىلارى جانە جەكە كاسىپكەرلەر دەكلاراسيالادى.
دەكلاراسيالاردى قابىلداۋ 16 قىركۇيەكتە اياقتالدى. سالىق ورگاندارى قۇجاتتاردى تاپسىرۋ قاجەتتىگىن ب ا ق ارقىلى جانە SMS-حابارلامالار ارقىلى تۇراقتى تۇردە ەسكە سالىپ وتىردى.
«ەگەر جەكە كاسىپكەر نەمەسە ساۋدامەن اينالىساتىن ادام دەكلاراسيا تاپسىرماسا، ولاردىڭ بانك شوتتارىنداعى وپەراسيالار ۋاقىتشا توقتاتىلۋى مۇمكىن. زاڭ بۇزۋشىلىقتاردى جويعاننان كەيىن شوتتار ءبىر جۇمىس كۇنى ىشىندە قايتا اشىلادى. دەكلاراسيانى ۋاقىتىندا تاپسىرىپ ۇلگەرمەگەن ازاماتتارعا ءبىرىنشى رەت ەسكەرتۋ بەرىلىپ، اكىمشىلىك جاۋاپكەرشىلىككە تارتىلادى، — دەپ حابارلادى قارجى مينيسترلىگى.
بيىل دەكلاراسيانى 4،8 ميلليون ادام تاپسىرۋى ءتيىس بولاتىن. ولاردىڭ ىشىندە 68،3 مىڭ جەكە كاسىپكەر مەن جەكە ساۋدامەن اينالىساتىن ادامداردىڭ بانك وپەراسيالارى بۇعاتتالعان.
17،5 مىڭنان استامى زاڭ بۇزۋشىلىقتاردى جويىپ، ولاردىڭ شوتتارى قايتا اشىلدى.
قاراشا ايىنىڭ سوڭىندا كوپشىلىك ءۇشىن دەكلاراسيالاۋ مىندەتتەمەسىنىڭ جويىلعانىن قارجى ءمينيسترى ءمادي تاكييەۆ تۇسىندىرگەن بولاتىن. ول دەكلاراسيالاۋدىڭ مەملەكەتتىك قىزمەتكەرلەرگە، كۆازيمەملەكەتتىك سەكتور باسشىلارىنا جانە ولاردىڭ جۇبايلارىنا قاتىستى ساقتالاتىنىن اتاپ ءوتتى.