دەر كەزىندە جاسالعان وتا ميداعى انۆەريزما تامىرى ۇزىلگەن ناۋقاستىڭ ءومىرىن ساقتاپ قالدى
الماتىداعى №7 قالالىق كلينيكالىق اۋرۋحانا دارىگەرلەرى كەزەكتى كۇردەلى وتا جاساپ، ءبىر ادامدى اجالدان اراشالاپ الدى. اۋرۋحانانىڭ نيەۆروپاتولوگ، ينسۋلتولوگ جانە قان-تامىر حيرۋرگتەرى انيەۆريزماعا شالدىققان تامىرى ءۇزىلىپ، ميىنا قان كەتكەن پاسيەنتكە كەشەندى كومەك كورسەتتى.
39 جاستاعى پاسيەنت اۋرۋحاناعا اسا اۋىر حالدە جەتكىزىلگەن. جەدەل جاردەممەن كەلگەن كەزدە ونىڭ باسى مەن مويىن تۇسى اۋىرىپ، جارىققا قاراي الماعان، قان قىسىمى دا قاتتى كوتەرىلىپ كەتكەن، دەپ حابارلايدى اlmaty-akshamy.kz اۋرۋحانانىڭ باسپا ءسوز قىزمەتىنە سىلتەمە جاساپ.
«قابىلداۋ بولىمىندە بىردەن تەكسەرۋ جۇرگىزىلدى. كومپيۋتەرلىك توموگرافيا بارىسىندا ميعا قان قۇيىلعانى بەلگىلى بولدى. نيەۆروپاتولوگ پەن نەيروحيرۋرگتەر ەستىپ-قابىلداۋ، ءتۇيسىنۋ قابىلەتىنىڭ دە ناشارلاعانىن انىقتادى»، - دەيدى قابىلداۋ ءبولىمى مەڭگەرۋشىسى اسىلبەك ەمبەردييەۆ.
مۋلتيديسيپلينارلىق تەكسەرۋدەن كەيىن سەلەكتيۆتى سەرەبرالدى انگيوگرافيا جاساۋ تۋرالى شەشىم قابىلداندى.
«انگيوگرافيا بارىسىندا ميدىڭ الدىڭعى دانەكەر تىندەرىنەن قاپشىق تارىزدەس انيەۆريزما تابىلدى. بىردەن ەمبوليزاسيا جاسالدى. سونىمەن قاتار، انيەۆريزمگە شالدىققان تامىردىڭ توبەسىندە ديۆەرتيكۋل (تامىردىڭ وتە جىڭىشكە ءارى جارىلۋعا بەيىم تۇسى) بارىن بايقادىق. وتادان كەيىن پاسيەنت جانساقتاۋ بولىمىنە اۋىستىرىلدى. جاعدايى تۇراقتانعان سوڭ №1 ينسۋلت بولىمشەسىنە كوشىرىلدى»، - دەيدى قان-تامىر نەيروحيرۋرگياسى بولىمشەسى مەڭگەرۋشىسىنىڭ م.ا. قۋانىش نيكاتوۆ.
وپەراسيا مىندەتتى الەۋمەتتىك مەديسينالىق ساقتاندىرۋ ەسەبىنەن جاسالدى. ءقازىر 39 جاستاعى ناۋقاس وتباسىنا ورالدى. پاسيەنتتىڭ اياققا تۇرۋىنا قان-تامىر نەيروحيرۋرگى – قۋانىش نيكاتوۆ، ايبەك تۇرالييەۆ، انەستەزيولوگ – ولەگ بۋداكوۆ، وپەراسيالىق مەدبيكە – اينۇر نۇرالييەۆ سىندى وپەراسيالىق بلوك بريگاداسى، ينسۋلت بولىمشەسىنىڭ دارىگەر-نيەۆروپاتولوگتارى جاندوس زارپۋللايەۆ پەن وكسانا انتونيۋك اتسالىستى.
قابىلداۋ ءبولىمىنىڭ نيەۆروپاتولوگ مامانى مەن قان-تامىر حيرۋرگتەرىنىڭ بىرلەسكەن جۇمىسى ناتيجەسىندە پاسيەنت ءتيىستى تەكسەرۋلەردەن وتكىزىلدى، دۇرىس دياگنوز قويىلىپ، وپەراسيا جاسالدى. سونىمەن قاتار، وتا جاسالعانىنا قاراماستان، ميعا قان قۇيىلعاننان كەيىن 14ء-شى جانە 21-كۇن ارالىعىندا ميدىڭ ورتاڭعى كۇرەتامىرى تارىلىپ، سپازم قالىپتاسۋ ءقاۋپى پايدا بولادى. وسىنىڭ الدىن العان بولىمشە ينسۋلتولوگىنىڭ دا ەڭبەگى زور.
№7 اۋرۋحانانىڭ ينسۋلت ورتالىعى ىىى-دەڭگەيلى ورتالىقتار قاتارىنا جاتادى. وندا ينسۋلت العان پاسيەنتتەرگە جوعارى تەحنولوگيالى مەديسينالىق كومەك كورسەتىلەدى. سونىڭ ىشىندە ۇزىلگەن انيەۆريزماعا انگيوگرافيالىق اپپاراتتىڭ كومەگىمەن ەندوۆاسكۋليارلىق وتا جاسالادى. ەمدەۋ-دياگنوستيكا مۋلتيديسيپلينارلىق پرينسيپ بويىنشا جۇرگىزىلەدى. وعان ەرتە وڭالتۋ، ءينسۋلتتىڭ قايتالانۋىنا جول بەرمەۋگە باعىتتالعان شارالار كىرەدى. اۋرۋحانا ماماندارى سونداي-اق، اۋىر حالدەگى ناۋقاستارعا كونسۋلتاسيا بەرىپ، ەم-دوم تاكتيكاسىن انىقتاۋ ءۇشىن باسقا قالالارعا دا شىعىپ تۇرادى.
دارىگەرلەردىڭ ايتۋىنشا، ميىنا سۋباراحنويدالدى قان قۇيىلعان پاسيەنتتەردىڭ 80 پايىزىندا ميدان قاپشىق تارىزدەس انيەۆريزما تابىلادى. جانە ول تەك وپەراتيۆتى جولمەن ەمدەۋدى تالاپ ەتەدى. ادەتتە، ميداعى قان تامىرلارىنىڭ انيەۆريزماسى كوپ جاعدايدا ەشقانداي بەلگى بەرمەيدى. كوبىنە بۇل دياگنوز پاسيەنت نيەۆروپاتولوگ ماماندارعا قارالعان كەزدە اياق-استىنان انىقتالىپ جاتادى. ستاتيستيكاعا سايكەس، انيەۆريزماعا شالدىققان تامىر جارىلعان 10 ناۋقاستىڭ 4-ەۋى ستاسيونارعا جەتە المايدى. انيەۆريزما ەكىنشى رەت ۇزىلگەن جاعدايدا پاسيەنتتىڭ ومىرىنە تونەتىن ءقاۋىپ ەسەلەنە تۇسپەك.