قوعامدىق كولىكتە ۇرلىق جاسادى دەگەن كۇدىكپەن بۇرىن سوتتالعان ازامات ۇستالدى، دەپ حابارلايدى Almaty-akshamy.kz
«كۇدىكتىنى ءبىزدىڭ بولىمشەنىڭ ارنايى توپ مۇشەلەرى اۋەزوۆ اۋداندىق پب ارىپتەستەرىنىڭ كومەگىمەن قىلمىس ۇستىندە ۇستادى. جۇمىس نۇسقالارىنىڭ بىرىنە سايكەس، 44 جاستاعى ا.ەسىمدى ازامات الماتىنىڭ باتىس بولىگىندە، شاعىناۋدانداردا ۇرلىق جاساپ جۇرگەن. سوڭعى جاعدايدا 67-باعىتتاعى قوعامدىق كولىكتە جولاۋشىنىڭ Samsung تەلەفونىن بىلدىرمەي ۇرلاپ العان. قازىرگى ۋاقىتتا تەرگەۋ امالدارىمەن ايعاقتىق نەگىزدە جۇمىس جۇرگىزىلىپ، كۇدىكتىنىڭ وسىعان ۇقساس باسقا دا ىقتيمال قىلمىسقا قاتىسى بار-جوعى تەكسەرىلىپ جاتىر. ا.ەسىمدى ازامات ۋاقىتشا ۇستاۋ يزولياتورىنا قامالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ۇستالعان ازامات 2020 جىلى ۇرلىق جاساعانى ءۇشىن سوتتالعان. ق ر قپك-نىڭ 201-بابىنا سايكەس، تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.