تالاپتارى قايتا قارالادى
«7-20-25» تۇرعىن ءۇي باعدارلاماسىن ىسكە اسىرۋ جالعاسادى. بۇل تۋرالى ق ر ۇلتتىق بانكىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz ءىnform.kz-كە سىلتەمە جاساپ.
«قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسى بويىنشا «7-20-25» يپوتەكالىق تۇرعىن ءۇي باعدارلاماسىن ىسكە اسىرۋ جالعاساتىن بولادى. ءتيىستى شەشىمدى قازاقستان رەسپۋبليكاسى ۇلتتىق بانكى باسقارماسىنىڭ 2022 جىلعى 19 جەلتوقسانداعى № 123 قاۋلىسىمەن قابىلداندى»، - دەلىنگەن ۇب مالىمەتىندە.
اتاپ ايتقاندا، 2023 جىلى باعدارلاما بويىنشا نەسيە بەرۋ ءۇشىن 100 ملرد تەڭگەگە دەيىن قاراجات ءبولۋ جوسپارلانىپ وتىر.
جەڭىلدەتىلگەن تومەن پايىزبەن نەسيە بەرۋ ارقىلى ازاماتتاردى كوبىرەك قامتۋ ماقساتىندا باعدارلامانى ىسكە اسىرۋدىڭ جەكەلەگەن تالاپتارى قايتا قارالدى. اتاپ ايتقاندا، ءاربىر قارىز الۋشى باعدارلاماعا ءبىر رەت قانا قاتىسا الادى.
«باعدارلاما اياسىندا بەرىلەتىن يپوتەكالىق تۇرعىن ءۇي قارىزدارىنىڭ پارامەترلەرى (باستاپقى جارنانىڭ ەڭ تومەنگى مولشەرى، قارىزدىڭ ەڭ جوعارى سوماسى، سىياقى مولشەرلەمەسى، قارىز مەرزىمى، وڭىرلەر بولىگىندە ساتىپ الىناتىن تۇرعىن ءۇيدىڭ ەڭ جوعارى قۇنى جانە ت.ب.) وزگەرىسسىز قالادى»، - دەپ ناقتىلادى ۇلتتىق بانكتىڭ باسپا ءسوز قىزمەتى.
اتالعان باعدارلاما اياسىندا 2022 جىلعى 22 جەلتوقسانداعى جاعداي بويىنشا 852،2 ملرد تەڭگە كولەمىندە 64 146 جەڭىلدەتىلگەن تومەن پايىزبەن قارىز بەرىلدى.