ەكولوگيا، گەولوگيا جانە تابيعي رەسۋرستار ۆيسە-مينيسترى سەرىكقالي مۇقاتايەۆ تەحنيكالىق بايقاۋ وپەراتورلارىنىڭ جاۋاپكەرشىلىگىنە قاتىستى تالاپتار كۇشەيەتىنىن ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«جۇمىس توبى اتقارعان ءىس-شارالار ناتيجەسى بويىنشا قازاقستان رەسپۋبليكاسىنىڭ ۇكىمەتى استانا جانە الماتى قالالارىنىڭ ەكولوگيالىق پروبلەمالارىن كەشەندى شەشۋ تۇرعىسىندا جول كارتاسىن ازىرلەدى جانە بەكىتتى، وندا اۆتوكولىكتەن شىعاتىن زياندى گازداردى ازايتۋ جونىندەگى ءىس-شارالار جوسپارلانعان»، - دەدى سەرىكقالي مۇقاتايەۆ ءماجىلىس دەپۋتاتتارىنىڭ ساۋالىنا جاۋاپ بەرە وتىرىپ.
ونىڭ اتۋىنشا، جول كارتاسى اياسىندا مينيسترلىك تەحنيكالىق بايقاۋ وپەراتورلارىنا قويىلاتىن تالاپتاردى قاتاڭداتۋ ماسەلەسىن قاراستىرىپ جاتىر.
سونىمەن قاتار، تەحنيكالىق بايقاۋ جۇرگىزۋ سالاسىنداعى زاڭ بۇزۋ دەرەكتەرىنە جاۋاپكەرشىلىكتى كۇشەيتۋ ماسەلەلەرى پىسىقتالۋ ۇستىندە.
«وسى شارانى ىسكە اسىرۋ اياسىندا اۆتوكولىكتىڭ تەحنيكالىق جاي-كۇيىنە سايكەس كەلمەيتىن دياگنوستيكالىق كارتالاردى بەرگەن تەحنيكالىق بايقاۋ وپەراتورلارىنىڭ جاۋاپكەرشىلىگىن قايتا قاراۋ جوسپارلانعان»، - دەدى ۆيسە-مينيستر.
فوتو: wordpress.com