ۇلتتىق بانك مەملەكەتتىك باعدارلامالارعا قاتىسۋ ۇلەسىن تومەندەتپەك
ق ر ۇلتتىق بانكىنىڭ ءتوراعاسى عالىمجان ءپىرماتوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا «7-20-25» باعدارلاماسى تۋرالى ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2021 جىلى 7 باعدارلامانىڭ 5ء-ىن قارجىلاندىرۋ توقتاتىلدى. اياقتالعان باعدارلامالاردىڭ بيۋدجەتى 2،6 ترلن تەڭگە قۇردى. بولاشاقتا تاعى 2 باعدارلاما اياقتالادى دەپ كۇتىلۋدە، ولار «7-20-25» باعدارلاماسى جانە يمپورتتى الماستىرۋعا جانە جاڭا وندىرىستەر قۇرۋعا باعىتتالعان «قاراپايىم زاتتار ەكونوميكاسى». الايدا ءتۇرلى جاعدايلار ەسكەرىلىپ باعدارلاما 2023 جىلدىڭ سوڭىنا دەيىن جۇمىس ىستەيدى»، - دەلىنگەن عالىمجان ءپىرماتوۆتىڭ جاۋابىندا.
وسى جاۋاپقا وراي قازاقپارات ءتىلشىسى ۇلتتىق بانككە حابارلاسىپ «7-20-25» باعدارلاماسىنىڭ ناقتى قاي ۋاقىتقا دەيىن جالعاساتىنىن سۇرادى.
بانكتىڭ حابارلاۋىنشا مەملەكەتتىك «7-20-25» باعدارلاماسى 2029 جىلعا دەيىن جالعاسپاق.
جالپى ۇلتتىق بانك بولاشاقتا مەملەكەتتىك باعدارلامالارعا قاتىسۋ ۇلەسىن تومەندەتپەك.
«2021 جىلى 7 باعدارلامانىڭ 5ء-ىن قارجىلاندىرۋ توقتاتىلدى. اياقتالعان باعدارلامالاردىڭ بيۋدجەتى 2،6 ترلن تەڭگە قۇردى»، - دەپ جازادى عالىمجان ءپىرماتوۆ.