ول 189 رەت جول ەرەجەسىن بۇزعان.
وسىنشا رەت ءتارتىپ بۇزعان جۇرگىزۋشىگە 6،5 ميلليون تەڭگەدەن استام ايىپپۇل سالىنعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
اكىمشىلىك ايىپپۇلدارى تولەنبەگەن كولىك تىزگىنىن ۇستاعان جۇرگىزۋشىلەردى انىقتاۋمەن اينالىساتىن جەرگىلىكتى پوليسيا قىزمەتىنىڭ قىزمەتكەرلەرى جالعان مەملەكەتتىك نومىرلەرى بار Zeekr اۆتوكولىگىن توقتاتتى.
"اتالعان كولىك اباي داڭعىلى مەن وتەگەن باتىر كوشەسىنىڭ قيىلىسىندا توقتاتىلدى. ايىپپۇل بويىنشا بەرەشەك سوماسى 6 ميلليون 696 مىڭ تەڭگەنى قۇرادى. بۇل نەگىزىنەن جىلدامدىقتى اسىرۋ، قوعامدىق كولىك جولاعىنا شىعىپ كەتۋ جانە بەلگىلەۋ ەرەجەلەرىن بۇزۋ سالدارىنان جينالعان ايىپپۇل. كولىك مامانداندىرىلعان ايىپپۇل تۇراعىنا قويىلدى"، – دەدى الماتى قالالىق پد جپقب باستىعىنىڭ ورىنباسارى تيمۋر نوعايبايەۆ.
پوليسەيلەر ازاماتتارعا جول قوزعالىسى ەرەجەسىن بۇزعانى ءۇشىن اكىمشىلىك ايىپپۇلداردى دەر كەزىندە تولەپ، جول قوزعالىسى ەرەجەلەرىن قاتاڭ ساقتاۋدى ۇسىنادى.