ەلدىڭ باتىسى جاۋىن شاشىنسىز بولادى

الداعى كۇندەرى اۋا-رايىنىڭ تۇراقسىز سيپاتى ەلدىڭ سولتۇستىگىندە، شىعىسىندا، وڭتۇستىگىندە، وڭتۇستىك-شىعىسىندا ءالى دە ساقتالىپ تۇر.

نايزاعاي مەن ەكپىندى جەل بولىپ، بۇرشاق جاۋادى. ەلدىڭ وڭتۇستىك-شىعىسىنداعى تاۋلى ايماقتاردا جاڭبىر مەن جىلبىسقى قار تۇرىندە جاۋىن-شاشىن بولادى دەپ بولجانۋدا، دەپ حابارلايدى اlmaty-akshamy.kz.

«قازگيدرومەت» رمك  حابارلاماسى بويىنشا، 21 قىركۇيەكتە وڭتۇستىكتە، 21-23 قىركۇيەكتە  شىعىستا، 21-22 قىركۇيەكتە ەلدىڭ وڭتۇستىك-شىعىسىندا قاتتى جاڭبىر، وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن كۇتىلەدى.

تەك قازاقستاننىڭ باتىسىندا، سولتۇستىك-باتىسىندا، باتىس انتيسيكلونىنىڭ ىقپالىمەن جاۋىن-شاشىنسىز اۋا رايى بولادى. ەلدىڭ باتىسىندا، سولتۇستىگىندە جانە ورتالىعىندا تۇنگى جانە تاڭەرتەڭگى ۋاقىتتاردا تۇمان بولادى دەپ بولجانۋدا. ەلدىڭ سولتۇستىگىندە، سولتۇستىك-باتىسىندا جانە ورتالىعىندا تۇندە توپىراق بەتىندە 1 گرادۋسقا دەيىن ۇسىك كۇتىلەدى.

اۋا تەمپەراتۋراسى كۇندىز رەسپۋبليكانىڭ باتىس وبلىستارىندا 24-30-عا دەيىن، ەلدىڭ سولتۇستىك-باتىسىندا 15-27-گە دەيىن كوتەرىلەدى، رەسپۋبليكانىڭ سولتۇستىگىندە 10-16-عا دەيىن تومەندەيدى، ورتالىقتا نەگىزگى فون 10-23 جىلى، شىعىستا 10-15-كە دەيىن تومەندەيدى، وڭتۇستىكتە 20-28-گە دەيىن جوعارىلايدى، وڭتۇستىك-شىعىستا 12-22-گە دەيىن ، تاۋلى اۋداندارىندا 2-10 گرادۋسقا  دەيىن تومەندەيدى.