2024 جىلدىڭ باسىنان 32 گيدروتەحنيكالىق قۇرىلىس كوممۋنالدىق مەنشىكتەن رەسپۋبليكالىق مەنشىككە قايتارىلدى. بۇل 31 سۋارۋ كانالى مەن 1 بوگەت.
اتالعان نىسانداردىڭ بارلىعى جامبىل وبلىسىندا ورنالاسقان. قازىرگى ۋاقىتتا ەلىمىزدىڭ باسقا وڭىرلەرىندەگى سۋ شارۋاشىلىعى نىساندارىن رەسپۋبليكالىق مەنشىككە قايتارۋ بويىنشا بەلسەندى جۇمىس جۇرگىزىلۋدە، دەپ حابارلايدى aqshamnews.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
«مينيسترلىك ەلىمىزدىڭ سۋ ينفراقۇرىلىمىن جاقسارتۋ بويىنشا جۇمىستى باستادى. مىسالى، پرەزيدەنتتىڭ تاپسىرماسى اياسىندا 2030 جىلعا دەيىن سۋ شارۋاشىلىعى نىساندارىن سالۋ جانە رەكونسترۋكسيالاۋ بويىنشا كەشەندى جوسپار ازىرلەندى. جوسپاردا 44 سۋ قويماسىن سالۋ، 76 گيدروتەحنيكالىق قۇرىلىستى، 5321 شاقىرىمنان استام يرريگاسيالىق جۇيەنى قايتا جاڭارتۋ، سونداي-اق 3230 تىك درەناجدى ۇڭعىما بۇرعىلاۋ كوزدەلگەن. بۇگىنگى تاڭدا 114 جوبا بويىنشا جوبالىق-سمەتالىق قۇجاتتاما ازىرلەندى»،- دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.