سوتتالعاندار ديپلوم العاننان كەيىن كولونيا اۋماعىنداعى كاسىپورىندارعا جۇمىسقا ورنالاسادى
سولتۇستىك قازاقستان وبلىسىندا جازاسىن وتەپ جاتقان 100-دەن استام سوتتالعان بۇگىن كوللەدجدى ءتامامداپ، قولدارىنا ديپلوم الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سقو بويىنشا قىلمىستىق-اتقارۋ جۇيەسى دەپارتامەنتى باسپا ءسوز قىزمەتىنىڭ مالىمەتىنشە، ەس-164/6 مەكەمەسىندە جازاسىن وتەپ جاتقان ايەلدەر پەتروپاۆل كاسىپتىك كوللەدجىندە، سولتۇستىك قازاقستان جەكە دايارلاۋ جانە سەرۆيس كوللەدجىنىڭ فيليالدارىندا جاڭا ماماندىق مەڭگەرۋگە مۇمكىندىك العان.
سوتتالعاندار ديپلوم العاننان كەيىن كولونيا اۋماعىنداعى كاسىپورىندارعا جۇمىسقا ورنالاسادى.
ەڭبەك نارىعىندا سۇرانىسقا يە ماماندىقتى مەڭگەرگەن ولار بوستاندىققا شىققاننان كەيىن دە قيىندىقسىز ەڭبەككە ارالاسا الادى.
ماسەلەن، ايەلدەر كولونياسىندا «تىگىنشى» ماماندىعى بويىنشا ءبىلىم العان سوتتالعان ناتاليا جازاسىن وتەپ شىققاننان كەيىن پەتروپاۆلدىڭ ورتالىعىندا تىگىن سەحىن اشتى.
ءقازىر وندا بۇرىن سوتتالعان 10-نان استام ايەل جۇمىس ىستەپ جاتىر.
بۇل كۇنى 57 جاستاعى مارياعا ارنايى ورتا ءبىلىم تۋرالى ديپلوم بەرىلدى. ول - وسى جىلدىڭ ەڭ جاسى ۇلكەن تۇلەگى.
«بىلتىر ۇرلىق ءۇشىن 3،5 جىلعا سوتتالدىم. بوستاندىقتا جۇرگەندە ءبىلىمدى قاجەت ەتپەيتىن جۇمىستا ءجۇردىم. سوندىقتان مەن ءبىلىم الۋ تۋرالى ويلانبادىم دا. مۇندا كەلىپ، وقۋعا، ءبىلىم الۋعا ۋاقىت كەلدى دەپ شەشتىم. «تىگىنشى» ماماندىعىن مەڭگەردىم. ءبىلىم الۋ ەشقاشان كەش ەمەس»، - دەيدى ماريا.
سقو بويىنشا قاجد ەس-164/3 جانە 6 مەكەمەلەرىندە سوتتالعانداردى تاس قالاۋشى، قاپتاۋشى، سىلاقشى-سىرلاۋشى، دانەكەرلەۋشى، تىگىنشى، قۇرىلىس جانە ارلەۋ جۇمىستارىنىڭ شەبەرلەرى، شاشتاراز-مودەلەر، لاندشافتىق ديزاينەر جانە باسقا سۇرانىسقا يە ماماندىقتار بويىنشا وقىتادى.
بۇگىن 100-دەن استام سوتتالعان، 57 ايەل، 64 ەر ادام سالتاناتتى جاعدايدا ورتا ارنايى ءبىلىم تۋرالى مەملەكەتتىك ۇلگىدەگى ديپلوم الدى.
سوڭعى 5 جىلدا پەتروپاۆل كاسىپتىك كوللەدجىن عانا 650-دەن استام سوتتالعان ءبىتىرىپ شىقتى.