ماماندار بورىشكەرلەر كولىگىن «سەرگەك» بەينەكامەراسى ارقىلى تابادى
الماتى قالاسى بويىنشا مەملەكەتتىك كىرىستەر دەپارتامەنتى قۇزىرلى ورگاندارمەن كولىك سالىعىن تولەمەي جۇرگەن ازاماتتارعا رەيد ۇيىمداستىردى. شارا بارىسىندا 112 اۆتوكولىك ايىپ تۇراعىنا قويىلدى، دەپ حابارلايدى Almaty-akshamy.kz.
دەپارتامەنت مالىمەتىنشە، ماماندار بورىشكەرلەر كولىگىن «سەرگەك» بەينەكامەراسى ارقىلى ىزدەپ، تابادى. جۇرگىزۋشىنىڭ جەكە باسى انىقتالعاننان كەيىن، اۆتوكولىك يەسى قارىزدى تولىق وتەگەنشە ول ايىپپۇل تۇراعىنا ورنالاستىرىلادى. 10 كۇن جۇمىس بارىسىندا 112 كولىك ايىپپۇل اۆتوتۇراعىنا الىندى. ناتيجەسىندە بيۋدجەتكە 200 ميلليون تەڭگەدەن استام كىرىس ءتۇستى.
«بۇگىندە قالانىڭ كولىك سالىعى بويىنشا قارىزى – 4،8 ملرد تەڭگە. بۇل سومانىڭ نەگىزگى بولىگى قوزعالتقىش كولەمى ۇلكەن – 4 مىڭ تەكشە سم-دەن استام اۆتوكولىك يەلەرىنە تيەسىلى. سوت ورىنداۋشىلارىنىڭ قىزمەتتەرىنە اقى تولەۋ جانە اۆتوتۇراق شىعىنى بولماۋى ءۇشىن الماتى قالاسى مەملەكەتتىك كىرىستەر دەپارتامەنتى كولىك يەلەرىن سالىق قارىزىن وتەۋگە شاقىرادى»،- دەلىنگەن حابارلامادا.