قازاقستاننىڭ تامىز ايىنداعى مىندەتتەمەلەرى تاۋلىگىنە 1،706 ملن باررەل
قازاقستان وپەك+ كەلىسىمى بويىنشا مۇناي ءوندىرۋ كولەمىن ارتتىرماق. بۇل تۋرالى Almaty-akshamy.kz ەنەرگەتيكا مينيسترلىگىنە سىلتەمە جاساپ حابارلايدى.
وپەك+ كەلىسىمىنە قاتىسۋشى ەلدەردىڭ جينىنا ەنەرگەتيكا ۆيسە-مينيسترى اسەت ماعاۋوۆ قاتىستى. وتىرىس بارىسىندا مامىر ايىندا ەلدەردىڭ كەلىسىم بويىنشا مىندەتتەمەلەرىن ورىنداۋى تالقىلاندى.
وتىرىس قورىتىندىسى بويىنشا وپەك+ ەلدەرىنىڭ اعىمداعى ءوندىرۋ دەڭگەيىن تامىز ايىنا تاۋلىگىنە 0،648 ملن باررەلگە ۇلعايتۋدى جالعاستىرۋ تۋرالى شەشىم قابىلداندى.
قازاقستاننىڭ تامىز ايىنداعى مىندەتتەمەلەرى تاۋلىگىنە 1،706 ملن باررەلدى قۇرايدى.