«بولاشاق» حالىقارالىق شاكىرتاقىسى يەگەرلەرىنىڭ ءتىزىمى جاريالاندى.
رەسپۋبليكالىق كوميسسيانىڭ شەشىمىمەن وسى جىلعى ىرىكتەۋدىڭ ءۇشىنشى لەگىندە شاكىرتاقى 569 قازاقستاندىققا تاعايىندالدى، دەپ حابارلايدى Almaty-akshamy.kz ق ر بعم باسپا ءسوز قىزمەتىنە سىلتەمە جاساپ.
ونىڭ ىشىندە 163 ادام ماگيستراتۋراعا، 4 ادام الەمنىڭ ۇزدىك جوعارى وقۋ ورىندارىنىڭ دوكتورانتۋراسىنا ءتۇستى. «تاعىلىمداما» باعدارلاماسى بويىنشا 37 ستيپەنديات ءبىلىم الادى. تاعى 365 عالىم شەتەلدىك عىلىمي-زەرتتەۋ ورتالىقتارىندا تاعىلىمدامادان وتەدى.
«بولاشاق» حالىقارالىق ستيپەندياسىنىڭ يەگەرلەرى اكادەميالىق وقۋدان جانە الەمنىڭ 27 ەلىنىڭ جەتەكشى ۋنيۆەرسيتەتتەرى مەن عىلىمي جانە سالالالىق ورتالىقتارىندا تاعىلىمدامادان وتەدى.
220 ادام اقش، 136 – ۇلىبريتانيا، 57 – رەسەي فەدەراسياسى 13 – اۆستراليا، 14 – گەرمانيا، 3 – جاپونيا ت. ب. مەملەكەتتەردىڭ جوعارى وقۋ ورىندارىندا ءبىلىم الادى.