نۇرسۇلتان نازاربايەۆ تمد-عا مۇشە ەلدەر كوشباسشىلارىنىڭ بەيرەسمي كەزدەسۋىنە قاتىسۋ ءۇشىن سانكت-پەتەربۋرگكە بارعان.
رەسەي پرەزيدەنتى ۆلاديمير پۋتين قازاقستاننىڭ تۇڭعىش پرەزيدەنتى نۇرسۇلتان نازاربايەۆقا ەۋرازيالىق ەكونوميكالىق وداق قۇرۋ تۋرالى يدەياسى ءۇشىن العىس ايتتى، دەپ حابارلايدى Almaty-akshamy.kz ريا نوۆوستيگە سىلتەمە جاساپ.
«ءسىزدى رەسەيدە، پەتەربۋرگتە كورگەنىمىزگە قاتتى قۋانىشتىمىز. كەلگەنىڭىزگە راقمەت. ەاەو-نى دامىتۋ بويىنشا ارىپتەستەرىمىزبەن جينالعان كەزدە ءارقاشان بۇل يدەيانىڭ سىزگە تيەسىلى ەكەنىن ەسكە تۇسىرەتىنىمىزدى ايتا كەتۋ كەرەك. وسى وداقتىڭ باستاماشىسى بولعانىڭىز ءۇشىن سىزگە العىسىمىز زور»، - دەدى پۋتين.
پۋتين رەسەي مەن قازاقستاننىڭ ىنتىماقتاستىعى تۋرالى دا ايتتى.
«ءوز تاراپىمنان سىزدەردى جانە بۇكىل قازاقستاندى كەلە جاتقان مەرەكەمەن قۇتتىقتايمىن»، - دەدى پۋتين.