قىلمىستىق جۇپ جالعان قۇجات جاساۋ دەگەن كۇدىككە ىلىنگەن.
قىلمىستىق كودەكستىڭ بىردەن بەس بابى بويىنشا 35 جاستاعى رەسيديۆيست پەن ونىڭ 36 جاستاعى سەرىگىنە قاتىستى قىلمىستىق ءىس تەرگەلۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتىلەر الداۋ جانە سەنىمگە قيانات جاساۋ ارقىلى ۇيالى بايلانىس وپەراتورلارىنىڭ ءبىرىنىڭ 10 ميلليون تەڭگەدەن استام مۇلكىن زاڭسىز يەمدەنىپ العان. ولاردىڭ الداۋ جوسپارى 2021 جىلدىڭ جەلتوقسان ايىندا تۋدى. ولار جالعان جەكە كۋالىك ارقىلى ەلىمىزدىڭ ءار وڭىرىنەن نەسيەگە ۇيالى تەلەفون ساتىپ العان. سونىمەن قاتار، ولار ءموبيلدى قۇرىلعىلاردىڭ بەلگىلى ءبىر ۇلگىلەرىن ساتۋ ءۇشىن ارنايى ناۋقانداردى پايدالاندى. تەرگەۋدىڭ وسى كەزەڭىندە 54 الاياقتىق دەرەگى انىقتالدى»، – دەدى بوستاندىق اۋداندىق پوليسيا باسقارماسىنىڭ باستىعى عالىم قاسىمبايەۆ.
ايتپاقشى، وسىعان ۇقساس قىلمىستاردى جاساعانى ءۇشىن 35 جاستاعى م. ەسىمدى ازامات بۇرىن دا بىرنەشە رەت سوتتالعان. ءقازىر ق ر قك-نىڭ 392-بابى 1-بولىگى، 28-بابى 5-بولىگى، 385-بابى 2-بولىگى، 190-بابى 3-بولىگىنىڭ 4-تارماعىندا كوزدەلگەن قىلمىستىق ءىس سوتقا جولداندى.