شىعىس قازاقستان وبلىستىق سايلاۋ كوميسسياسىنىڭ ءتوراعاسى ەرسايىن نابييەۆتىڭ ايتۋىنشا، 7.00-دەن 12:00-گە دەيىن ءوڭىردىڭ 194 ەلدى مەكەنىندە 50 پايىزدان استام حالىق داۋىس بەرگەن.
اۋماقتىق سايلاۋ كوميسسيالاردىڭ دەرەگىنشە، 1 قالا، 6 كەنت، 70 اۋىلدىق وكرۋگتە تۇرعىندار داۋىس بەرىپ جاتىر. جالپى، 77 اكىم سەمەي قالاسى جانە اباي، التاي، اياگوز، بەسقاراعاي، بورودۋليحا، گلۋبوكوە، جارما، زايسان، قاتونقاراعاي، كوكپەكتى، كۇرشىم، تارباعاتاي، ۇلان، ءۇرجار، شەمونايحا اۋدانىندا سايلانادى.
وبلىستا 221 سايلاۋ ۋچاسكەسى جۇمىس ىستەپ تۇر.