بۇل وقيعا سولتۇستىك قازاقستان وبلىسىندا بولعان.
جەلتوقساننىڭ 2ء-سى كۇنى ايىرتاۋ اۋداندىق پوليسيا بولىمىنە ءالجان اۋىلىندا 50 باس جىلقى جەتىسپەيتىنى تۋرالى حابارلاما كەلىپ تۇسكەن. جىلقىلار اۋىل تۇرعىندارىنا تيەسىلى ەكەنى انىقتالدى. جانۋارلار 27 قاراشادا ەركىن جايىلىمنان جوعالىپ كەتكەن، دەپ حابارلايدى Almaty-akshamy.kz.
ىزدەستىرۋ شارالارى بارىسىندا بارشى كولىنەن جوعالعان جىلقىلاردىڭ قاتىپ قالعان ولەكسەلەرى تابىلعان.
ارتىنشا مالشى بولماعان كەزدە جىلقىلار كول بەتىندەگى مۇز ۇستىمەن قوزعالىپ، كەيىن سۋعا ءتۇسىپ قىرىلعانى انىقتالدى.
قازىرگى ۋاقىتتا پوليسەيلەر وقيعانىڭ بارلىق ءمان-جايىن تەكسەرىپ جاتىر، ولگەن جانۋارلاردىڭ ناقتى سانى انىقتالۋدا.