جىل سوڭىنا دەيىن كەشەندى جوسپار نىساندارىنىڭ 80%-ىنە دەيىن ساۋدا-ساتتىققا شىعارۋ كوزدەلگەن.
ق ر پرەمەر-مينيسترىنىڭ ورىنباسارى – قارجى ءمينيسترى ە.ك. جاماۋبايەۆ جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىنىڭ ورىندالۋى جونىندە باياندادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەشەندى جوسپار مەملەكەتتىك مەنشىكتەگى جانە كۆازيمەملەكەتتىك سەكتورداعى 675 نىساندى قامتيدى. وعان رەسپۋبليكالىق مەنشىكتەگى 7 نىسان، كوممۋنالدىق مەنشىكتەگى 250 نىسان، ۇلتتىق حولدينگتەر مەن كومپانيالاردىڭ 262 نىسانى مەن الەۋمەتتىك-كاسىپكەرلىك كورپوراسيالاردىڭ 156 وبەكتىسى كىرەدى.
«بيىلعى 1 جەلتوقسانداعى جاعداي بويىنشا، كەشەندى جوسپارداعى 675 نىساننىڭ 253ء-ى 141،7 ملرد تەڭگەگە باسەكەلەس ورتاعا بەرىلدى، 60-ى قايتا ۇيىمداستىرۋعا جانە تاراتۋعا جىبەرىلدى، 146-سى ساۋدا-ساتتىقتا بولسا، 216 نىسان ساتۋ الدىنداعى دايىندىقتا تۇر. كەشەندى جوسپارداعى ساتۋ، قايتا ۇيىمداستىرۋ جانە تاراتۋ پروسەستەرىن ەسكەرسەك، ونىڭ ورىندالۋى 46%ء-تى قۇرايدى. ال كەشەندى جوسپار وبەكتىلەرىن ساۋدا-ساتتىققا شىعارۋ كورسەتكىشى 68%ء-تى قۇراپ وتىر»، - دەدى قارجى ءمينيسترى بۇگىنگى ۇكىمەت وتىرىسىندا.
كەشەندى جوسپاردى ۋاقىتىلى جانە تيىسىنشە ورىنداۋ ماقساتىندا مەملەكەتتىك مۇلىك ءتىزىلىمىنىڭ ۆەب-پورتالىندا ءاربىر نىساندى ساتۋعا شىعارۋ شارالارىن وتكىزۋ مەرزىمدەرى كورسەتىلگەن جول كارتالارى جاريالاندى. جول كارتالارى بارشاعا قولجەتىمدى. بۇدان باسقا، وبەكتىلەردى ساتۋعا شىعارۋ مەرزىمدەرىنە تاسىلدەر بەلگىلەندى. وعان سايكەس، جىل سوڭىنا دەيىن كەشەندى جوسپار نىساندارىنىڭ 80%-ىنە دەيىن ساۋدا-ساتتىققا شىعارۋ كوزدەلگەن. «قارجى مينيسترلىگى ساتۋ جول كارتالارى بويىنشا ءىس-شارالاردىڭ ورىندالۋىنا تۇراقتى مونيتورينگ جۇرگىزەدى»، - دەدى ە.جاماۋبايەۆ.