ول الماتىنىڭ بارلىق ينفراقۇرىلىمىنا شامادان تىس سالماق سالادى
الماتى اكىمدىگى مەگاپوليس حالقى تەز ءوسىپ جاتقانىن ايتىپ وتىر. جىل سايىنعى ءوسىمنىڭ 60%-ى ميگرانتتار ەسەبىنەن، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇل قالامىزدىڭ قارقىندى دامۋىنىڭ كاتاليزاتورى بولدى. ال ول الماتىنىڭ بارلىق ينفراقۇرىلىمىنا شامادان تىس سالماق سالدى. بۇل تۋرالى بۇگىن قالا اكىمى ەربولات دوسايەۆ قوعامدىق كەڭەس وتىرىسىندا حابارلادى.
اكىمدىك حالىقتىڭ قارقىندى ءوسۋىن ەسكەرە وتىرىپ، 2030 جىلعا قاراي الماتى اگلومەراسياسىندا 4 ميلليون ادام تۇرادى دەپ بولجادى.
«الماتى بالانسسىز، ۇيلەسىمسىز دامىدى. قالانىڭ تاريحي وزەگى شامادان تىس جۇكتەلگەن. وندا ساپالى الەۋمەتتىك ينفراقۇرىلىم نىساندارىنىڭ كوپ بولىگى ورنالاسقان – مەكتەپتەر، بالاباقشالار، اۋرۋحانالار، تەاترلار، ساياباقتار جانە باسقا دا نىساندار»، – دەدى قالا اكىمى.
سونىمەن قاتار اكىمدىكتىڭ حابارلاۋىنشا، حالىق ءوسىمىنىڭ باسىم بولىگى بولىپ كەلەتىن قالانىڭ جاڭا اۋداندارىندا ساپالى الەۋمەتتىك ينفراقۇرىلىم، قوعامدىق كەڭىستىكتەر مەن جاسىل جەلەكتەر جەتىسپەيدى.