2024-2025 وقۋ جىلىنا ارنالعان مەملەكەتتىك تاپسىرىس اياسىندا 112 مىڭ گرانت بولىنەتىنىن ءمالىم ەتتى عىلىم جانە جوعارى ءبىلىم مينيسترلىگىنەن، دەپ حابارلايدى اlmaty-akshamy.kz.
«كادرلاردى دايارلاۋعا ارنالعان مەملەكەتتىك ءبىلىم بەرۋ تاپسىرىسى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى ۇسىنعان ەل ەكونوميكاسىنىڭ سالالارى ءۇشىن كادرلارعا قاجەتتىلىككە ورتا مەرزىمدى بولجام نەگىزىندە، ەكونوميكا سالالارىنىڭ ۇردىستەرى، سونداي-اق «اتامەكەن» ۇلتتىق كاسىپكەرلەر پالاتاسى، ورتالىق مەملەكەتتىك ورگاندار مەن وڭىرلىك اكىمدىكتەردىڭ ۇسىنعان قاجەتتىلىك نەگىزىندە قالىپتاستىرىلادى. جوعارى ءبىلىم بەرۋدىڭ بارلىق دەڭگەيلەرى بويىنشا 2024-2025 وقۋ جىلىنا ارنالعان مەملەكەتتىك تاپسىرىس اياسىندا 112 مىڭ گرانت (باكالاۆريات - 79 مىڭعا جۋىق گرانت، ماگيستراتۋراعا -13 مىڭعا جۋىق، دوكتورانتۋرا -1 900 استام گرانت) بولىنگەن»، - دەپ اتاپ وتەدى ۆەدومستۆودان اگەنتتىكتىڭ رەسمي ساۋالىنا وراي.
2024 جىلعى 18 ناۋرىزداعى №118 ق ر عىلىم جانە جوعارى ءبىلىم ءمينيسترى بۇيرىعىمەن مەملەكەتتىك ءبىلىم گرانتى ءۇش جىلعا بەكىتىلگەن.
«گرانتتاردىڭ باسىم بولىگى «ينجەنەرلىك، وڭدەۋ، قۇرىلىس سالالارى» ءبىلىم بەرۋ باعدارلاما توپتارىنا، «پەداگوگيكالىق عىلىمدارعا»، «اقپاراتتىق-كوممۋنيكاسيالىق تەحنولوگيالار» سالاسىنا جانە «جاراتىلىستانۋ عىلىمدارى، ماتەماتيكا جانە ستاتيستيكا» باعىتىنا تيەسىلى»، - دەپ ناقتىلادى مينيسترلىكتەن.