ق ر اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنە قاراستى جامبىل وبلىسىنىڭ جەر رەسۋرستارىن باسقارۋ دەپارتامەنتى اۋىل شارۋاشىلىعى تاۋار وندىرۋشىلەرىنىڭ بىرىنە قاتىستى تەكسەرۋ جۇرگىزدى.
تەكسەرۋ بارىسىندا مەركى اۋدانىندا ورنالاسقان جالپى اۋدانى 5،2 مىڭ گەكتار بولاتىن، جەر تەلىمدەرى نىسانالى ماقساتقا ساي پايدالانىلماي وتىرعانى انىقتالدى، - دەپ حابارلايدى Aqshamnews.kz.
تەكسەرۋ ناتيجەسىندە جەر پايدالانۋشىعا انىقتالعان زاڭبۇزۋشىلىقتاردى جويۋ تۋرالى نۇسقاما بەرىلدى. الايدا بەلگىلەنگەن مەرزىمدە تالاپتار ورىندالماعاندىقتان، دەپارتامەنت جەر ۋچاسكەلەرىن ماجبۇرلەپ مەملەكەت مەنشىگىنە قايتارۋ تۋرالى تالاپ ارىزبەن سوتقا جۇگىندى.
جامبىل وبلىسىنىڭ مامانداندىرىلعان اۋدانارالىق ەكونوميكالىق سوتى پايدالانىلماي جاتقان جەرلەردى ماجبۇرلەپ مەملەكەت مەنشىگىنە قايتارۋ تۋرالى شەشىم قابىلدادى.
ءىس كەيىن جامبىل وبلىستىق سوتىنىڭ اپەللياسيالىق القاسىندا قارالىپ، جاۋاپكەردىڭ شاعىمى قاناعاتتاندىرىلماي، ءبىرىنشى ساتىداعى سوت شەشىمى ءوز كۇشىندە قالدى.