سەرگەك ITS ساراپشىلارى جول بويىنداعى جولاقتاردىڭ اراسىندا بىرىنشىسىنەن ەكىنشىسىنە ءجيى اۋىسىپ، گاز بەن تەجەۋىشتى جىلدام باساتىن جۇرگىزۋشىلەردىڭ قانشا ۋاقىت ۇتاتىنىن انىقتادى، دەپ حابارلايدى aqshamnews.kz.
ينتەللەكتۋالدى كولىكتىك تالداۋ، مونيتورينگ جانە كولىكتىك بولجاۋ جۇيەسىنىڭ مالىمەتتەرى بويىنشا اگرەسسيۆتى كولىكتەردىڭ «ۇتاتىن» ورتاشا ۋاقىتى نەبارى 42 سەكۋندتى قۇرايدى. زەرتتەۋ الماتىدا ءبىر اپتا بويى ءال-فارابي داڭعىلىنىڭ شىعىس باعىتتاعى 16،5 كم ۋچاسكەسىندە جۇرگىزىلدى. اگرەسسيۆتىلىك كريتەرييى رەتىندە كەلەسى پارامەترلەر الىندى: جۇرگىزۋشى ءبىر جولاقتان ەكىنشىسىنە ءبىر رەتتەن كوپ اۋىسۋى، ورتاشا جىلدامدىعى 50 كم/ساع-تان جوعارى جانە جىلدامدىقتى 65 كم/ساع-تان كۇرت ۇدەتۋى.
تالداۋ جۇرگىزىلگەن اپتادا اتالعان ۋچاسكەدە 66 مىڭنان استام كولىك ءوتتى، ونىڭ 22 مىڭى اگرەسسيۆتى جۇرگىزۋ ءتۇرىن كورسەتتى. بۇنىڭ 6 مىڭى تاكسي جۇرگىزۋشىلەرى. سونىمەن قاتار، جالپى كولىكتەردىڭ 23،5% كەم دەگەندە ءبىر رەت اگرەسسيۆتى جۇرگىزۋشى بەلگىسىن كورسەتىپ، ال 9،5% — مۇنى تۇراقتى تۇردە جاساعان.
«اگرەسسيۆتى» جۇرگىزۋشى مەن «ءقاۋىپتى» جۇرگىزۋشى سياقتى ۇعىمداردى اجىراتا ءبىلۋ كەرەك. ءقاۋىپتى جۇرگىزۋشىدەن ايىرماشىلىعى، اگرەسسيۆتى جۇرگىزۋشى ورەسكەل ءتارتىپ بۇزبايدى، ءبىراق ونىڭ مانيەۆرلەرى ارقىلى باسقا جول قوزعالىسىنا قاتىسۋشىلارعا ىڭعايسىزدىق تۋعىزادى، اپاتقا ۇشىراۋ ءقاۋپىن ارتتىرادى. جۇرگىزۋشىلەر بار بولعانى 42 سەكۋند ۇنەمدەۋ ءۇشىن ءوزىنىڭ جانە وزگەنىڭ ءومىرىن قاتەرگە تىگۋ كەرەك پە دەگەن سۇراققا ويلانىپ كورگەنى ءجون»، - دەپ اتاپ ءوتتى كومپانيا.
ەستەرىڭىزگە سالا كەتەيىك، Sergek ITS (Intelligent Transportation System) - قازاقستاندىق مامانداردىڭ ازىرلەمەسى. بۇل قالاداعى كەپتەلىستەردىڭ سەبەپتەرىن انىقتاۋعا، قوعامدىق كولىكتەردىڭ ءتيىمدى مارشرۋتتارى مەن كەستەلەرىن جاساۋعا، قالالىق ينفراقۇرىلىمدى جوسپارلاۋدى وزگەرتۋگە، سونداي-اق ونىڭ سەبەپتەرىن تۇسىنۋگە مۇمكىندىك بەرەتىن جانە ادامداردىڭ ماياتنيكتىك كوشى-قونىنا ساراپتاما جاسايتىن تالداۋ، باقىلاۋ جانە كولىكتىك بولجامدارعا ارنالعان ينتەللەكتۋالدى كولىك جۇيەسى.
بعان دەيىن، قازاقستانداعى كەيبىر جۇرگىزۋشىلەر ساقتاندىرۋ ءۇشىن قوسىمشا اقى تولەۋگە ءماجبۇر بولاتىنى تۋرالى جازعان ەدىك.