400-دەن استام ادۆوكات قازاقستان رەسپۋبليكاسىنىڭ كونستيتۋسيالىق سوتى ۇيىمداستىرعان كونستيتۋسيالىق وتىنىشتەردى جولداۋداعى جول بەرۋ شارتتارى بويىنشا ونلاين-ترەنينگكە قاتىستى.
بۇل تۋرالى كونستيتۋسيالىق سوتتىڭ باسپا ءسوز قىزمەتى مالىمدەدى.
سپيكەرلەر، وتىنىشتەردى باستاپقى قاراۋ جانە تالداۋ بولىمدەرىنىڭ باسشىلىعى سالتانات نۇرىمبەتوۆا مەن امير ۋماروۆ ادۆوكاتتارعا كونستيتۋسيالىق سوتقا جۇگىنۋ ءۇشىن بەلگىلەنگەن شارتتاردا ءجيى جىبەرىلەتىن سايكەسسىزدىكتەردى تۋرالى ايتتى.
2023 جىلدىڭ قاڭتارىنان 2024 جىلدىڭ قازانىنا دەيىن ادۆوكاتتار كونستيتۋسيالىق سوتقا جۇگىنگەن كەزدە 471 ازاماتتىڭ مۇددەسىن قورعاعانى اتاپ ءوتىلدى. زاڭدار مەن باسقا دا نورماتيۆتىك قۇقىقتىق اكتىلەردىڭ نورمالارىن تەكسەرۋ جونىندەگى كونستيتۋسيالىق ءىس جۇرگىزۋ شەڭبەرىندە ادۆوكاتتار ازاماتتاردىڭ مۇددەلەرىن قورعاۋدا 21 ءوتىنىش بويىنشا قاتىسىپ، ولاردىڭ ناتيجەلەرى بويىنشا 17 نورماتيۆتىك قاۋلى قابىلدانعان.