ۇلتى كارىس ۆلاد ەسىمىن بولات دەپ وزگەرتتى
الەۋمەتتىك جەلىدەگى پاراقشاسىندا ول نە سەبەپتى ەسىمىن وزگەرتكەنىن باياندادى، دەپ حابارلايدى aqshamnews.kz.
– مەن نەگە ۆلاد دەگەن ەسىمىمدى بولات دەپ وزگەرتتىم؟ مەن وسىلاي، وتكەن عاسىردىڭ وتىزىنشى جىلدارى كارىستەرگە امان قالۋعا كومەكتەسكەن قازاق حالقىنا العىسىمدى بىلدىرگىم كەلدى، – دەيدى ول ازامات.
ۆلاد مۋن ەسىمدى ازامات بولات مۋن بولىپ وزگەردى. جەلىدە ونىڭ بۇل تاڭداۋىن كوپشىلىك جاقسى قابىلداعانىمەن، «حايپ ۇستاپ ءجۇرسىڭ» دەپ سىناعاندار دا بولعان.
الايدا ول ەشكىمگە ەشتەڭە دالەلدەگىسى كەلمەيتىنىن، بۇل ءوزىنىڭ سانالى شەشىمى ەكەنىن جەتكىزگەن.
ول جەلىدەگى اڭگىمەسىنىڭ بىرىندە قازاقستانداعى لاگەرگە ايدالعان ايەلدەرگە قۇرت لاقتىرىپ، قيىن كەزدە كومەك بەرگەن بالالاردىڭ ەرلىگىن ايتادى.
- ولار لاگەردە ورىس پا، كارىس پە، نەمىس پە – كىم وتىرعانىن بىلمەدى، جاي عانا ادامگەرشىلىك تانىتتى، - دەيدى بولات مۋن.