بجزق مالىمەتىنە سايكەس، 264 695 ادام «پەنسياسىن» الۋعا اسىعار ەمەس، دەپ حابارلايدى aqshamnews.kz
رەسمي دەرەككە سۇيەنسەك، ونىڭ ءبارى زەينەتكە شىعىپ قويعان ادامدار. جاسى كەلىپ تۇرسا دا، مىڭداعان زەينەتكەر ءوز جيناعىن الۋعا ءالى جۇگىنبەگەن.
«سۇراۋسىز» جاتقان جيناقتاردىڭ جالپى سوماسى — 37،3 ميلليارد تەڭگە!
264 695 ادامنىڭ ىشىندە:
148 335 ادام — قايتىس بولعان — ولاردىڭ جيناعىن مۇراگەرلەرى الا الادى؛
59 800 ادام — قازاقستاننان ءبىرجولا كوشىپ كەتكەن؛
56 560 ادام — زەينەتاقى راسىمدەۋ ءۇشىن حقكو-عا ءالى جۇگىنبەگەن.
ەندى بۇل اقشالارعا نە بولادى؟
ارينە، بۇل جيناقتار ەشقايدا كەتپەيدى. ولار يەسىنىڭ جەكە شوتىندا ساقتالادى جانە ينۆەستيسيالانادى. اقشا قوسىمشا تابىس اكەلۋى مۇمكىن. ينۆەستيسيانى ۇلتتىق بانك پەن جەكەمەنشىك باسقارۋشى كومپانيالار جۇزەگە اسىرادى.
اقشانى قالاي الۋعا بولادى؟
زەينەتكەر بولساڭىز:
تۇرعىلىقتى مەكەن-جاي بويىنشا حقكو-عا (سون) بارىپ؛
زەينەتاقىنى راسىمدەپ؛
بجزق-دان تولەم الۋعا ءوتىنىش بەرۋىڭىز كەرەك.
قازاقستاننان ءبىرجولا كوشكەن بولسا:
بجزق-دا زەينەتاقى جيناعى بار شەتەلدىكتەر مەن ازاماتتىعى جوق ادامدار زاڭدا كورسەتىلگەن قۇجاتتاردى تاپسىرىپ، اقشاسىن الا الادى.
قايتىس بولعان جاعدايدا:
بجزق مارقۇمنىڭ جيناعىنان جەرلەۋ شىعىندارىنا 94 اەك-كە دەيىن تولەم جۇرگىزەدى (ءبىراق شوتتاعى ناقتى قالدىقتان اسپايدى).
قالعان قاراجات زاڭعا ساي مۇراگەرىنە بەرىلەدى. ول ءۇشىن مارقۇمنىڭ جاقىنى 6 اي ىشىندە نوتاريۋسقا بارىپ، مۇراعا قۇقىعىن راسىمدەۋى كەرەك.
ەگەر 6 ايدى وتكىزىپ الساڭىز، مۇراگەرلىك قۇقىقتى سوت ارقىلى قالپىنا كەلتىرۋگە بولادى.
قاجەتتى قۇجاتتار ءتىزىمى مەن ءوتىنىش بەرۋ جولى تۋرالى تولىق اقپاراتتى enpf.kz سايتىنان «قىزمەتتەر — زەينەتاقى تولەمدەرى» بولىمىنەن تابا الاسىز.