اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
33 ەلدى مەكەن اباي اتىمەن اتالعان
پاۆلوداردان باستاپ جەتىسۋعا، تۇركىستاننان قاراعاندىعا دەيىن – پاۆلودار، اقتوبە، قوستاناي̆، جەتىسۋ، اباي̆، تۇركىستان، قىزىلوردا، اتىراۋ، قاراعاندى، جامبىل، الماتى، سولتۇستىك قازاقستان، باتىس قازاقستان وبلىستارىنداعى 33 ەلدى مەكەنى اباي ەسىمىمەن اتالادى.
ۇكىمەت "ماڭعىستاۋ" تۋريستىك ايماعىن دامىتۋدىڭ 2025–2029 جىلدارعا ارنالعان كەشەندى جوسپارىن بەكىتتى
اقتاۋدا تەڭىز ۆوكزالى مەن حالىقارالىق دەڭگەيدەگى ستاديون سالۋ جوسپارلانعان.
جوسپار جۇزەگە اسىرىلعاننان كەيىن 2029 جىلعا قاراي ىشكى تۋريستەر سانى 430 مىڭنان 520 مىڭ ادامعا، ال كەلۋشى تۋريستەر سانىن 89 مىڭنان 143 مىڭ ادامعا دەيىن ارتادى دەپ كۇتىلەدى.
انا ءولىمى 10 پايىزعا تومەندەگەن
دەنساۋلىق ساقتاۋ مينيسترلىگىنىڭ مالىمەتىنشە، 2025 جىلدىڭ 6 ايىندا انا ءولىمى دەڭگەيى 10 پايىزعا، نارەستە ءولىمى 26،3 پايىزعا تومەندەگەن.
شالعايداعى اۋىلدار ينتەرنەتپەن قامتاماسىز ەتىلەدى
ۇكىمەت وتىرىسىنىڭ قورىتىندىسى بويىنشا وتكەن باسپا ءسوز ءماسليحاتىندا ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى دميتريي مۋن ينتەرنەتكە قول جەتكىزۋى قيىن ەلدى مەكەندەردى قامتاماسىز ەتۋ جونىندەگى جۇمىستىڭ بارىسى تۋرالى ايتتى.
"بىزدە 6 مىڭ ەلدى مەكەن بار، ولار ينتەرنەتكە قول جەتكىزۋ قيىن دەپ بەلگىلەنگەن. بۇگىنگى تاڭدا 2،5 مىڭنان استامى ينتەرنەتپەن قامتاماسىز ەتىلگەن. "قازاقتەلەكوم" كومپانياسىمەن قول قويىلعان كەلىسىمنىڭ ناتيجەسىندە ءبىز ەكى جىل بويى بارلىق قالعان اۋىلداردى قوسىپ، جەتۋى قيىن اۋىلداردى قامتۋدىڭ 90%-دان استامىنا قول جەتكىزۋگە ءتيىسپىز. سونداي-اق Starlink جانە OneWeb سپۋتنيكتەرى ارقىلى اۋىلداردى ينتەرنەتكە قوسۋ جۇمىستارى جۇرگىزىلىپ جاتىر"، - دەدى دميتريي مۋن.
42 سۋ قويماسى سالىنىپ، جاڭعىرتىلادى
سۋمەن كوزىمەن قامتاماسىز ەتۋ جانە سۋ شىعىنىن ازايتۋ ءۇشىن قازاقستاندا 2024-2028 جىلدارعا ارنالعان سۋ شارۋاشىلىعىن دامىتۋدىڭ كەشەندى جوسپارى ىسكە اسىرىلۋدا. بۇل تۋرالى ۇكىمەتتە وتكەن باسپا ءسوز ءماسليحاتىندا پرەمەر-مينيستردىڭ ورىنباسارى قانات بوزىمبايەۆ مالىمدەدى.
جوسپاردا 42 سۋ قويماسىن سالۋ مەن جاڭعىرتۋ، سونداي-اق 14،5 مىڭ شاقىرىم ماگيسترالدى كانالداردى كۇردەلى جوندەۋ قاراستىرىلعان.
ءورت قاۋىپسىزدىگىن بۇزۋ بويىنشا 941 دەرەك انىقتالعان
ۇكىمەتتە وتكەن ءداستۇرلى باسپا ءسوز كونفەرەنسياسىندا توتەنشە جاعدايلار ۆيسە-مينيسترى كەگەن تۇرسىنبايەۆ ءورت قاۋىپسىزدىگى تۋرالى ايتتى.
"2023 جىلى موراتوريي بولعاندىقتان ءبىز ۇلكەن ساۋدا ۇيلەرىن جاپپاي تەكسەرگەن جوقپىز. ودان باسقا ۋاقىتتا 2 مىڭ شارشى مەتر اۋماقتان استام جەردى الىپ جاتقان ساۋدا ۇيلەرىن جىل سايىن تەكسەرىپ كەلەمىز. وسى جىلى سونداي 63 ساۋدا نىسانىن تەكسەردىك. ءورت قاۋىپسىزدىگىن بۇزۋ بويىنشا 941 دەرەك انىقتالدى. قازىرگى كەزدە سالالىق زاڭعا كوپ وزگەرىستەر ەنگىزىلگەن. سونىڭ بىرەۋى – كوپ ادام جينالاتىن، اۋماعى 2 مىڭ شارشى مەتردەن اساتىن ساۋدا نىساندارى ساقتاندىرۋعا جاتادى. وسىنداي وڭ وزگەرىستەر ءورت قاۋىپسىزدىگى دەڭگەيىن ارتتىرادى دەپ ولايمىن"، - دەدى توتەنشە جاعدايلار ۆيسە-مينيسترى كەگەن تۇرسىنبايەۆ.
77 مىڭ ءبىلىم بەرۋ گرانتى
جالپى "AMANAT" پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى اياسىندا بيىل 77 مىڭنان استام ءبىلىم بەرۋ گرانتى ءبولىندى. مەملەكەت باسشىسىنىڭ تاپسىرماسى بويىنشا شەتەلدىك جەتەكشى ۋنيۆەرسيتەتتەرمەن سەرىكتەستىكتە جۇمىس ىستەيتىن 20-عا جۋىق جوعارى وقۋ ورنى ستۋدەنتتەردى قابىلداي باستادى.
2025 جىلعى مەملەكەتتىك ءبىلىم بەرۋ گرانتتارىن تاعايىنداۋ كونكۋرسىنا 113 مىڭعا جۋىق ءوتىنىش قابىلداندى، بۇل وتكەن جىلمەن سالىستىرعاندا 9 مىڭعا كوپ.
سونداي-اق گرانتتاردى ءبولۋ كەزىندە الەۋمەتتىك وسال توپتارعا جاتاتىن بالالار ءۇشىن زاڭنامادا بەلگىلەنگەن كۆوتالار ساقتالادى.