بيىل قازاقتىڭ ۇلى ويشىلى، اقىنى اباي قۇنانباي ۇلىنىڭ 180 جىل مەرەيتويى اتاپ وتىلەدى. وسىعان وراي ەلىمىزدە اعارتۋشىنىڭ ءومىرى مەن مۇراسىن دارىپتەۋ، ونى جاس ۇرپاققا تانىتۋ باعىتىندا سان ءتۇرلى شارالار وتكىزىلەدى. ال شەتەلدە اباي قالاي ناسيحاتتالىپ ءجۇر؟ اqshamnews.kz ءتىلشىسى شەتەلدە ابايعا ارناپ بوي كوتەرگەن ەسكەرتكىشتەرگە شولۋ جاسادى.
مادەنيەت جانە اقپارات مينيسترلىگىنىڭ مالىمەتىنشە، ابايدىڭ ەسىمى تەك ەل ىشىندە ەمەس، شەكارا اسىپ، الەمگە تانىلدى. وعان دالەل – بوسنيا جانە گەرسەگوۆينا، گەرمانيا، گرۋزيا، يران، كورەيا، جۇڭگو، قىرعىزستان، ماجارستان، مىسىر، وزبەكستان، رەسەي، رۋمىنيا، تاجىكستان، تۇركيا، تۇرىكمەنستان، ۋكراينا، فرانسيا، شۆەيساريا سياقتى مەملەكەتتەردەگى ەسكەرتكىشتەر، بيۋستتەر مەن مەموريالدىق تاقتالار.
فرانسيا، رەنن
e-history.kz
فرانسيانىڭ رەنن قالاسىندا 2016 جىلى بيۋست ورناتىلعان.
ۆەنگريا، بۋداپەشت
e-history.kz
2014 جىلى اباي ەسكەرتكىشى ۆەنگريانىڭ بۋداپەشت قالاسىندا ورناتىلعان.
مىسىر، كاير
e-history.kz
ابايدىڭ ءبيۋستى 2016 جىلى كايردىڭ ورتالىق ساياباقتارىنىڭ بىرىندە ورناتىلعان.
رەسەي، ماسكەۋ
pamyatniki-v-rossii.ru
2006 جىلى ماسكەۋدىڭ قازاقستان ەلشىلىگىنىڭ ماڭىندا اباي قۇنانبايۇلىنا ەسكەرتكىش قويىلعان.
جۇڭگو، بەيجىڭ
e-history.kz
2014 جىلى بەيجىڭدە "سزينتاي" كوركەم مۋزەيىندە اباي قۇنانباي ۇلىنىڭ ەسكەرتكىشى قويىلعان. اشىلۋ سالتاناتىنا ۆەدومستۆونىڭ سول كەزدەگى باسشىسى ەرلان ىدىرىسوۆ ارنايى بارعان ەدى.
وزبەكستان، تاشكەنت
e-history.kz
2013 جىلى تاشكەنتتە ق ر ەلشىلىگىنىڭ الدىندا قازاقتىڭ ويشىلى ابايدىڭ ەسكەرتكىشى ورناتىلعان. ونىڭ اشىلۋ سالتاناتىنا تۇڭعىش پرەزيدەنت نۇرسۇلتان نازاربايەۆ پەن يسلام كاريموۆ قاتىسقان.
ازەربايجان، باكۋ
e-history.kz
2011 جىلى ازەربايجاننىڭ باكۋ مەملەكەتتىك ۋنيۆەرسيتەتىندە اباي قۇنانباي ۇلىنىڭ اتىنداعى ورتالىق اشىلىپ، عۇلامانىڭ ءبيۋستى قويىلدى.
ايتا كەتەيىك، قازاقستاننىڭ 17 وڭىرىندە – استانا، الماتى، شىمكەنت قالالارى مەن وبلىستاردا ۇلى ويشىلعا ارنالعان 55 ەسكەرتكىش، بيۋست جانە مۇسىندىك كومپوزيسيالار ورناتىلعان. الماتىداعى اباي ەسكەرتكىشى – رەسپۋبليكالىق ماڭىزى بار مادەني مۇرا نىسانى، ال تاعى 10-نان استامى جەرگىلىكتى دەڭگەيدە تاريحي جانە مادەنيەت ەسكەرتكىشى مارتەبەسىنە يە.