319 مىڭ دەكلاراسيا «e-Salyq Azamat» قوسىمشاسى ارقىلى تاپسىرىلعان دەپ حابارلايدى almaty-akshamy.kz
مەنشىككە سالىناتىن سالىقتى تولەۋدى ىڭعايلاتۋ ماقساتىندا 2020 جىلدان باستاپ سالىق تولەۋشىلەرگە «e-Salyq Azamat» ءموبيلدى قوسىمشاسى ەنگىزىلگەن بولاتىن. اتالعان قوسىمشا جەكە تۇلعالارعا دەرەكتەمەلەردى تولتىرۋسىز سالىقتاردى تولەۋ ءراسىمىن جەڭىلدەتۋگە جول بەردى. ءىرى بانكتەرمەن جۇرگىزىلگەن بىرىكتىرۋ ناتيجەسىندە حالىق بانكى جانە كاسپي بانكى كارتالارىمەن تولەۋ كەزىندە كوميسسيا الىنبايدى.
بۇدان باسقا، قوسىمشا 2 مينۋت ىشىندە اۆتوەسەپتەۋ جاساۋ، ارتىق تولەمدى باسقارۋ جانە قاجەت بولعان جاعدايدا ءوزىنىڭ سالىق سالۋ وبەكتىلەرى (جىلجىمايتىن مۇلىك، كولىك قۇرالدارى، جەر تەلىمدەرى) بويىنشا تۇزەتۋلەر ەنگىزۋگە سۇرانىم جولداۋعا مۇكىندىك بەرەدى
سونىمەن بىرگە، جەر سالىعى، مۇلىك سالىعى جانە كولىك قۇرالدارىنا سالىق بويىنشا الداعى تولەمدەردى، اتالعان سالىقتار بويىنشا بەرەشەكتى، سونداي-اق جۇمىسكەردىڭ ەڭبەكاقىسىن تولەۋ بويىنشا مالىمەتتەرىن قاراۋعا مۇمكىندىك بار.
«e-Salyq Azamat» قوسىمشاسىنا تىركەلۋ ونلاين رەجيمىندە مەملەكەتتىك كىرىستەر ورگاندارىنا بارماي وتەدى.
جىلدىڭ باسىنان پايدالانۋشىلاردىڭ سانى 7،4 ەسە ءوستى – 100 مىڭنان 741 مىڭعا دەيىن.
بۇگىنگى كۇنى:
- جالپىعا بىردەي دەكلاراسيالاۋ شەڭبەرىندە 319 مىڭ نەمەسە 62،4% دەكلاراسيا «e-Salyq Azamat» قوسىمشاسى ارقىلى تاپسىرىلدى؛
- 103 مىڭ پايدالانۋشىمەن سالىق ءاميانى تولتىرىلدى؛
- 26 مىڭ پايدالانۋشىمەن اۆتوماتتى تۇردە ەسەپكە جاتقىزۋ جاسالدى؛
- 19 مىڭ پايدالانۋشى ارتىق تولەنگەن سومالارىن باسقا سالىقتارى ەسەبىنە جاتقىزىپ، ارتىعىن قايتاردى.
تەگىن «e-Salyq Azamat» قوسىمشاسىن «App Store» ي «Play Market» ارقىلى جۇكتەۋگە بولادى.
بارلىق قۇقىقتار قورعالعان. baq.kz بەلسەندى سىلتەمەنى پايدالانىڭىز: https://baq.kz/news/othernews/319-myn-deklaraciya-e-salyq-azamat-kosymshasy-arkyly-tapsyryldy/