«الماتى-استانا»، «استانا-الماتى» جانە «الماتى-سەمەي» رەيستەرىندە قىزمەت اتقارعان 4 بورت سەرىك وزدەرىن جايسىز سەزىنگەن.
رەسمي مالىمەتتەرگە سۇيەنسەك، ۇشەۋى اۋرۋحاناعا تۇسكەن، ال بىرەۋى ۇيىندە ەمدەلۋدى ءجون ساناعان، دەپ حابارلايدى Almaty-akshamy.kz.
ءقازىر ولاردىڭ جاعدايى جاقسى. وسى جايتقا قاتىستى تاماقپەن قامتاماسىز ەتەتىن مەكەمەنىڭ سەحىندا تەكسەرىس جۇرگىزىلگەن. سانيتارلىق نورمالاردىڭ بۇزىلعانى انىقتالىپ، 1600 اەك كولەمىندە ايىپپۇل سالىندى. دەگەنمەن، سانيتاريالىق-ەپيدەميولوگيالىق دەپارتامەنت وكىلدەرى ەكيپاج مۇشەلەرىنىڭ ناقتى بورتتاعى تاماقتان ۋلانعانىنا كۇمان كەلتىرىپ وتىر.
«بارلىق قاجەتتى تالداۋلار جۇرگىزىلدى. تالداۋلار ناتيجەسى بويىنشا تەرىس ناتيجە الىندى. ولار قولدانعان تاماق ونىمدەرىنىڭ بارلىعىنان ەشقانداي وڭ ناتيجە شىققان جوق. وسىعان بايلانىستى بورتتىق تاماقتان ۋلانۋدى وسى اتالعان تاماقتاندىرۋمەن بايلانىستى ەمەس دەگەن تۇجىرىم شىعاردىق»، -دەدى دسم كولىكتەگى سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى اقمارال رامازان قىزى.