ال شاقىرىلۋشى اسكەردەن بىرنەشە رەت جالتاراتىن بولسا، 1000 اەك-كە دەيىنگى ايىپپۇل سالىنادى.
نەمەسە ءبىر جىلعا دەيىن باس بوستاندىعىنان ايىرىلادى، دەپ حابارلايدى Almaty-akshamy.kz.
ەلىمىزدە 30 مىڭنان اسا ازامات وتان الدىنداعى بورىشىن وتەۋدەن قاشىپ ءجۇر. بىلتىر اسكەرگە بارۋدان جالتارىپ، ەسەپكە الۋ قۇجاتتارىن قاساقانا بۇلدىرگەن نەمەسە جوعالتقان 4 مىڭعا جۋىق ادام اكىمشىلىك جاۋاپقا تارتىلعان.
جىل سايىن اسكەر قاتارىنا 34 مىڭ سارباز الىنادى. بۇرىن ساپقا تۇرۋعا بارلىعى اسىعاتىن. ءقازىر كوزقاراس وزگەرگەن. اسكەرگە بارۋدان جالتارىپ جۇرگەن جاستاردى ۇلكەن جاۋاپكەرشىلىك كۇتىپ تۇر. ايىپپۇل سالىنادى، قوعامدىق جۇمىسقا تارتىلادى.
«جەرگىلىكتى اسكەري ورگاننىڭ شاقىرتۋى بويىنشا ازاماتتىڭ كەلمەگەنى ءۇشىن 5 اەك ايىپپۇل سالىنادى. ال شاقىرىلۋشى اسكەردەن بىرنەشە رەت جالتاراتىن بولسا، 1000 اەك-كە دەيىنگى ايىپپۇل سالىنادى، نە بولماسا 400 ساعاتقا قوعامدىق جۇمىسقا تارتىلادى نەمەسە 1 جىلعا دەيىن باس بوستاندىعىنان ايىرىلادى»، - دەدى ق ر قك باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ اعا وفيسەرى رۋسلان تاپاشيەۆ.