بىرىككەن اراب امىرلىكتەرىندە ءوتىپ جاتقان قازاقستاندىق كاسىپورىنداردىڭ ساۋدا-ەكونوميكالىق ميسسياسى اياسىندا 28 ميلليون اقش دوللارىنا كەلىسىم جاسالدى، دەپ حابارلايدى اlmaty-akshamy.kz 24KZ-كە سىلتەمە جاساپ.
وتاندىق بيزنەس-دەلەگاسيانى ساۋدا جانە ينتەگراسيا ءمينيسترى ارمان شاققالييەۆ باستاپ باردى. ءىس-شاراعا 60-تان استام وتاندىق كومپانيا وكىلدەرى قاتىستى.
بيبىگۇل نىسانبايەۆا، ءتىلشى:
- EXPO Dubai كورمە ورتالىعىنىڭ اۋماعىندا ورنالاسقان ۇلتتىق پاۆيلوندا بۇگىن Made in KZ ونىمدەرىنىڭ تۇساۋكەسەرى وتەتىن قازاقستان ساۋدا ءۇيى اشىلىپ، Qaz Steppe Innovation Hub جۇمىسىن باستادى. ءىس-شاراعا ەكى ەلدىڭ 200-دەن استام كومپانياسى، سونداي-اق مەملەكەتتىك ورگان، بيزنەس ۇيىم وكىلدەرى جينالدى.
وتكەن جىلى قازاقستان مەن امىرلىكتەر اراسىنداعى تاۋار اينالىمى 329 ملن اقش دوللارىن قۇرادى. قازاقستاندىق ەكسپورت 210 ميلليوننان استام، امىرلىكتەر ءبىزدىڭ ەلگە شامامەن 119 ميلليون دوللاردىڭ تاۋارىن جونەلتكەن. ساۋدا-ەكونوميكالىق الەۋەت جوعارى، ەلدەر ساۋدا كولەمىن 1 ميللياردقا جەتكىزۋدى جوسپارلاپ وتىر. 2 كۇندىك كەلىسسوزدەر ناتيجەسىندە تاراپتار 28 ميلليون 650 مىڭ دوللاردىڭ كەلىسىمىنە قول قويدى.
ارمان شاققالييەۆ، ق ر ساۋدا جانە ينتەگراسيا ءمينيسترى:
- اۋىل شارۋاشىلىعى وندىرۋشىلەرى، ازىق-تۇلىك جاعىنان بال وندىرۋشىلەر، ەت وندىرۋشىلەر سياقتى وندىرۋشىلەردىڭ اراسىندا قول قويىلعان شارالار. ءبىزدىڭ وندىرۋشىلەر اقشا الىپ، وفتەيك-كەلىسىمشارتتارعا، تۇراقتى شارتتارعا قول قويىپ، سونداي 5-6 جىلعا شارتتاردى ەنگىزدىك ءبىز.
پارسى شىعاناعى نارىعىنا ساۋدا اعىنىن ۇلعايتۋ ءۇشىن ۇكىمەت ماڭىزدى شارالار ورىنداپ وتىر. بۇل باعىت قازاقستاندىق ەكسپورتتاۋشىلارعا اۋىل شارۋاشىلىعى تاۋارلارىن قۇرىق پورتىنان پارسى شىعاناعى مەن افريكا ەلدەرىنە جىلدام جەتكىزۋگە مۇمكىندىك بەرەدى.
انۆار نيەتقالييەۆ، «قازاق اگرو ەكسپورت» كومپانياسىنىڭ ديرەكتورى:
- پاۆلودار وبلىسى، سولتۇستىك قازاقستان، اقمولا وبلىسى، ۇلىتاۋ وبلىسى. قوي ەتىن وسىندا ەكسپورت جاسايمىز. كولەمى 10 ميلليون دوللار ءبىر جىلعا. ەڭ بىرىنشىدەن، بىزدە قوي ەتى، سوسىن قۇس بولادى، سوسىن ۋىلدىرىق، قۇداي قالاسا، جانە تاعى باسقا ونىمدەردى ەكسپورتتايمىز.
حاماد الدجۋماح، كاسىپكەر:
- قازاقتىڭ ەتىنە امىرلىكتەرگە عانا ەمەس، ساۋد ارابياسىندا، كاتار مەملەكەتتەرىندە سۇرانىس جوعارى. سوندىقتان بۇگىن، مىنە، ۇلكەن كولەمدە شارت جاساستىق. قازاقستان پاۆيلونى بۇدان بىلاي وزىق قازاقستاندىق ستارتاپ جوبالاردىڭ دا باسىن بىرىكتىرمەك. يننوۆاسيالىق حاب وتاندىق IT جوبالاردى امىرلىكتەر نارىعىنا شىعارۋ، سۇيەمەلدەۋمەن اينالىسپاق. تەك وتكەن جىلدىڭ وزىندە بۇل ەلگە قازاقستاندىق IT ونىمدەرى مەن قىزمەتتەرىنىڭ ەكسپورتى 5 ەسە ءوسىپ، 500 ميلليون دوللارعا جەتكەن.
ارۋجان مەدە، IT كومپانيا باسشىسى:
- ءبىز باا-گە ەندى شىعىپ جاتىرمىز. وفلاين تۇردە ىستەپ جاتقان كومپانيالارىن سيفرلاندىرۋعا، ونلاين تۇرىندە جۇمىس ىستەۋگە كومەكتەسەمىز.
پاۆيلون ينفراقۇرىلىمى كاسىپكەرلەرگە جىلدىڭ سوڭىنا دەيىن تەگىن بەرىلەدى. ساۋدا ءۇيىنىڭ اشىلۋىنا كەلگەندەر قازاقستاندىق تاۋارلاردىڭ كورمەسىن تاماشالادى.
باقىتجان ءجۇمادىل، كاسىپكەر:
- مىناۋ – ءبىزدىڭ اتا-بابالارىمىزدىڭ تاماقتارى. كوشىپ جۇرگەندە جولدا جەيتىن. التى اي دايىندالادى. ارابتار قىزىعىپ جاتىر. ارابتارعا التىنمەن قاپتايمىز.
دۋبايدا وتكەن قازاقستاننىڭ ساۋدا-ەكونوميكالىق ميسسياسىنا ەلىمىزدەن 60-تان استام كومپانيا وكىلدەرى ارنايى كەلدى. B2B كەزدەسۋلەرى ۇيىمداستىرىلىپ، قازاقستاندىق جانە امىرلىك كاسىپورىندارى اراسىندا تىكەلەي بايلانىس ورنادى.