2024 جىلدىڭ كوكتەمگى سۋ تاسقىنى كەزىندە ەرلىك كورسەتكەن يت پشوننىڭ ەسىمى ماڭگى ەستە قالدى. بۇل يت سۋ تاسقىنى كەزىندە دامبالاردى نىعايتۋعا كومەكتەسىپ، كوپتەگەن ادامداردىڭ جۇرەگىندە ورىن تاپقان.
پشون 2024 جىلدىڭ 28 قاراشاسىندا قازا بولدى. سول كۇنى ۆەتەرينارعا اۋىل تۇرعىنىنان يتتەردىڭ توبى ۇيىنە كىرۋگە كەدەرگى جاساپ جاتقانى تۋرالى شاعىم تۇسكەن. ۇيىقتاتاتىن دارىدەن سوڭ پشون وزەن جاعاسىندا قازا بولعان.
ءيتتىڭ قۇرمەتىنە ارنالعان ەسكەرتكىشتى جاساۋعا اتىراۋلىق ءمۇسىنشى ازامات كەنجەگالييەۆ شامامەن ءبىر اي ۋاقىت جۇمسادى. ەسكەرتكىش قارا مەتالدان جاسالىپ، التىن ءتۇستى قاپتامامەن بەزەندىرىلگەن. وندا ءيتتىڭ ەرلىگى مەن الەۋمەتتىك جەلى قولدانۋشىلارىنىڭ قولداۋىن بەينەلەيتىن جۇرەكشەلەر بەينەلەنگەن.
ەسكەرتكىشتىڭ ارتقى جاعىندا شاعىن دامبا ورنالاسقان، بۇل پشوننىڭ سۋ تاسقىنىمەن كۇرەستەگى ءرولىن ەسكە سالادى. ءمۇسىنشى باستاپقىدا ەسكەرتكىشتى وزەن جاعاسىنا ورناتۋدى ۇسىنعان، الايدا جەرگىلىكتى بيلىك بۇل باستامانى قولداماعان.
ەسكەرتكىشتى قالالىق كافەنىڭ كىرەبەرىسىنە ورناتتى. كافە يەسى ءوز ارەكەتى ارقىلى ادال جانە ەرجۇرەك ءيتتىڭ جاساعان جاقسىلىعىنا العىسىن ءبىلدىردى.