ىستىقتىڭ بەتى قايتپايدى
سينوپتيكتەر ەلىمىز بويىنشا 27 شىلدەگە ارنالعان اۋا رايى بولجامىن ۇسىندى. رەسپۋبليكانىڭ وڭتۇستىگىندە، شىعىسىندا، ورتالىعىندا جاۋىن-شاشىنسىز اۋا رايى ساقتالادى، دەپ حابارلايدى Almaty-akshamy.kz.
«قازاقستان رەسپۋبليكاسىنىڭ باتىسىندا، سولتۇستىك-باتىسىندا، سولتۇستىك جارتىسىندا جاڭبىر جاۋادى، كۇن كۇركىرەپ، بۇرشاق جاۋۋى مۇمكىن، سولتۇستىك-باتىستا بۇرشاق جاۋۋى مۇمكىن، وڭتۇستىك-باتىستا تۇندە جانە تاڭەرتەڭ تۇمان تۇسەدى»،-دەلىنگەن «قازگيدرومەت» رمك تاراتقان مالىمەتتە.
رەسپۋبليكادا جەل 15-20 م/س-كە دەيىن كۇشەيەدى.
تۇركىستان، قىزىلوردا، جامبىل، جەتىسۋ، الماتى وبلىستارىنىڭ باسىم بولىگىندە، اتىراۋ وبلىسىنىڭ وڭتۇستىگىندە، ۇلىتاۋ وبلىسىنىڭ شىعىسىندا توتەنشە ءورت ءقاۋپى ساقتالادى.
كۇندىز الماتى، جەتىسۋ، جامبىل، تۇركىستان، ۇلىتاۋ، قاراعاندى وبلىستارىنىڭ باسىم بولىگىندە، ماڭعىستاۋ، اباي وبلىستارىنىڭ وڭتۇستىگىندە قاتتى ىستىق ساقتالادى.
كۇندىز الماتى وبلىسىنىڭ سولتۇستىگىندە، وڭتۇستىگىندە اپتاپ ىستىق ساقتالادى.