شاحماتشى بۇل تۋرالى الەۋمەتتىك جەلىدەگى پاراقشاسىندا جازدى
دينارا ءسادۋاقاسوۆا ءۇندىستاندا وتەتىن دۇنيەجۇزىلىك شاحمات وليمپياداسىنا قاتىسۋدان باس تارتتى. بۇل تۋرالى ول Instagram- داعى پاراقشاسىندا جازدى، دەپ حابارلايدى Almaty-akshamy.kz.
«وسى جازدا مەن ءۇندىستاندا وتەتىن دۇنيەجۇزىلىك شاحمات وليمپياداسىنا قاتىسۋدان باس تارتۋ تۋرالى شەشىم قابىلدادىم. ءبىرقاتار مىندەتتەمەلەرگە بايلانىستى جاۋاپتى شاراعا دايىندالا المادىم. دەگەنمەن الداعى جارىستارعا مىندەتتى تۇردە قاتىسامىن دەگەن سەنىمدەمىن. بۇل ءۇشىن نەگىزگى فاكتور - وقىتۋدىڭ ءتيىستى دەڭگەيىنە قاجەتتى بارلىق رەسۋرستىڭ جەتكىلىكتى مولشەرى»، - دەپ جازدى.
شاحماتشى قىز جارىسقا قاتىساتىن سپورتشىلارعا ساتتىلىك تىلەدى.
«ارينە، بۇگىن مەن بارشا قازاق سپورتشىلارىنا كۇش-قۋات، ساتتىلىك تىلەيمىن. ارىپتەستەرىمنىڭ ابىرويمەن ونەر كورسەتىپ، جوعارى كاسىبي شەبەرلىكتەرىن كورسەتە الاتىنىنا سەنىمدىمىن»،- دەپ جازدى دينارا ءسادۋاقاسوۆا.